{ SKIP }
文:MenClub 魏文青  
POSTED ON 01 Dec 2021

以MenClub讀者平均年紀黎講,相信大部人青少年嘅時候都未有咩智能電話,大家嘅性知識唔係憑自己「研究」,就係睇《Yes!》嘅Miss Sex學返黎。不過隨住科技發達,青少年接觸網上成人內容就變得越黎越易、年紀亦越黎越細。根據香港性教育、研究及治療專業協會嘅調查,原來有人早於9歲前就首次接觸成人內容,甚至影響長大後嘅性生活。

香港性教育、研究及治療專業協會於今年2月至5月成功訪問到近1000名年齡介乎18-66+嘅本地人士,詢問其接觸首次成人內容嘅年齡,從中接收到嘅觀念,以及對其性生活嘅影響等。結果發現,有62%受訪者都表示於10-15歲期間首次接觸「色情片或照片」,更有15%表示九歲前就已經接觸過相關內容。

至於成人內容傳遞嘅觀念,有67.5%受訪者指接觸過嘅內容都「沒有提及安全性行為」、62.7%指相關內容「沒有提及性行為是需要負責任」。另外亦有分別有33.4%人及20.7%受訪者指,相關內容傳遞了「女人就不其實心裏是喜歡」以及「女人只是用黎滿足男人性慾的一件物品」等觀念。

不過整個研究最「搶眼」嘅數字,係有16%受訪者自稱對色情短片或照片成癮,更有15%表示喜歡自慰多於與伴侶性交。

圖片:截圖自 https://docs.google.com/forms/d/e/1FAIpQLSedKUdLG_ysucB0vhr341JavSzU6Cc2mB_cjaS0yXI5Xgba1w/viewanalytics

值得一提嘅係,是次研究嘅結論定調於「受了這些影響後,青少年日後成長、結婚或有固定伴侶,一部分人可能有性功能障礙」,部份受訪者亦於問卷最後嘅意見部份,指出問卷部份選項「太有預切立場…只有色情對青少年嘅負面影響」,亦有人提出性生活不美滿可以因為生活其他因素 (如工作壓力等),並非與觀看色情內容有關。另外亦有人提到對於冇伴侶嘅人,自慰是解決需要的唯一途徑。

或者整個研究最有意義嘅結論,係於男女比例為40:60嘅情況下,有83%受訪者表示有自慰;而52%受訪者表示每週自慰一次。

資料來源:HKASERT

近年日本傳媒好鍾意用「XX年一遇」嚟形容美女,例如千年一遇美少女「橋本環奈」、二千年一遇美少女「滝口ひかり」,四千年一遇美少女「齋藤飛鳥」等等,唔單只有過譽之嫌,亦都開始用到有啲濫,好似隨便一個靚女都係 ...
girls
【深夜】AKB48人氣成員「小栗有以」推處女寫真集
17 Jan 2022
唔知大家平時鍾唔鍾意睇戲呢?今日介紹嘅「藤川らるむ」係一位影評人,每年睇超過250部戲,我諗就算你唔鐘意睇戲,但都會想同佢一齊睇戲。 今年18歲嘅「藤川らるむ」,爸爸係德國人,媽 ...
girls
【深夜】日本長腿美少女影評人「藤川らるむ」
14 Jan 2022