日本每年都會舉行各種大大小小嘅選美比賽，誕生N個冠軍，但最後能夠保持人氣嘅人並唔多，更多時候只係紅咗一排就無以為繼。今日介紹嘅「吉田莉桜」，4年憑住「日本最可愛高一生」冠軍出道，但至今仍然Keep到咁上下人氣，仲計劃2月出寫真賀20歲生日添，不如嚟睇下佢有咩魅力？

今年19歲嘅「吉田莉桜」，4年前參加「高一學生選美大賽（高1ミスコン 2017）」擊敗3,500名參賽者贏得冠軍出道，隨即成為少女時尚雜誌《Popteen》獨家Model。高中畢業且剛滿18歲就推出首本個人寫真，大膽挑戰性感內衣及水著造型，當年仲好賣到要加印添，同時活躍於電視劇及綜藝節目。隨住即將踏入2字頭，佢早排就宣報將於今年2月推出第二本個人寫真作為里程碑，並透露主題係「從兒童到成人」，唔知成品究竟會係咩呢？