{ SKIP }
文:MenClub 魏文青  
POSTED ON 21 Jan 2022

作為一個男人,你一定知道邊個係清水健,亦應該知道佢嘅工作基本上就係「用自己嘅肉體猛烈地衝撞對方體內」,再考慮到佢能於業界馳騁多年都維持高水準表現,可見佢嘅能力有幾頂級。而清水健近日上日本電視節目時,就提到佢「職業生涯中最大嘅敵人」,不過就唔係某位女演員、亦唔係某類主題嘅演出,而係「睡眠」!

圖片:AV男爵しみけん on Twitter

清水健於節目中表示,作為一個「動作演員」其自己非常著重睡眠質素,因為佢認為睡眠不足就係「男性勃起嘅最大敵人」,簡單黎講即係你睡眠唔好,床上嘅表演亦唔會好。而為咗要確保自己擁有良好嘅睡眠,清水健一定會返屋企瞓自己張床,而且一定要瞓足七個鐘。另外佢於睡前20分鐘亦會服用「褪黑激素」幫助入眠,瞓覺時更會戴眼罩、加埋射擊場等級嘅耳塞,完全隔絕亮度及聲音干擾。

另外佢亦話雞蛋係天然偉哥,建議大家每10kg體重就食一隻,即係60kg就一日食六隻蛋。而且佢每日都會食牛油果、鰤魚、三文魚、藍莓、南瓜等,再加上14種營養保充劑,先可以保持表現。

既然清水健乃係呢方面嘅「專業人士」,佢提出嘅建議當然有道理。實際上,過往多個研究亦指出,睡眠質素低落的確係勃起障礙嘅一大成因。須知道睪酮乃係左右男性能力嘅一大賀爾蒙,而人體就係會於睡眠時嘅快速動眼期 (REM) 中分泌最多睪酮,而一個完整嘅睡眠週期中,人體必須先經過淺睡、深睡、回到淺睡,然後先會進入REM,整個過程大概要90分鐘 (一晚睡眠可以多於一個週期),換言之大家係需要質素好而且夠長嘅時間嘅睡眠先能夠進入REM,確保身體分泌睪酮,否則睪酮不足就會影響大家嘅表現。

資料來源:Sponichi Annex
雖然「寫真偶像」呢個專業幾乎係日本獨有,但鍾意睇性感靚女乃係全世界男人 (甚至女人) 嘅共同興趣,所以外國當然有人去創作呢類內容。例如唔少Twitch實況主,名義上係做直播,實際上都係靠外表黎吸引觀眾,例如呢位 ...
girls
【深夜】人如其名!外國超火辣實況主「Msfiiire」
20 May 2022
日本有唔少偶像團體,自然每年都有唔少人從偶像團體「畢業」,但好老實講,無論佢原本於團體內嘅人氣有幾勁,唔少成員畢業之後嘅人氣都會下降,所以有人於畢業後就決定直接離開演藝圈發展。好似前「乃木坂46」成員, ...
girls
【深夜】偶像變職業麻雀士 前乃木坂46「中田花奈」
19 May 2022