{ SKIP }
文:MenClub 魏文青  
POSTED ON 08 Mar 2022

早年香港網絡流傳《男人一生,只為尋覓一個肯同自己挨麥記嘅女人》潮文,近年又有人話肯食譚仔嘅先係好女友,估唔到原來日本都有類似嘅事發生,由日本畫師「クレハ」嘅一張新圖開始,最後連大家熟悉嘅上原亞衣都出埋黎!

卻說「クレハ」於2月初喺Twitter發佈咗一張「喜歡食薩利亞的女友 (サイゼで喜ぶ彼女)」圖,圖中就係一個樣靚身材正嘅女友坐喺對面好開心咁食緊薩利亞 (順帶一提,右下個焗田螺係真心好食)。但呢張看似正正常常嘅圖,就引黎一眾網民從各個層面批評,有人話「クレハ」特登畫到個女仔咁大波,件衫又刻意Show身材,係蔑視女性;又有人話張圖係「將男人嘅幻想強行加落女性身上」;又有人留言「如果我條仔帶我去食薩利亞我會打佢」、「我搵緊平價女友去食平價嘅薩利亞」等。簡單而言即係話「又靚又正嘅女人係唔會去食薩利亞,帶女仔去食薩利亞嘅男人都係衰佬,你咁樣畫係唔要得!」

結果呢一堆言論又引黎一群「薩利亞支持者」,有人真心認為約會去薩利亞冇咩問題,有人認為薩利亞其實幾好食,亦有不少男女提供自己嘅經驗,話同另一半約會時都經常去食薩利亞,依家咪又係結咗婚生咗仔開開心心咁成家去食;當然仲有一大群人係驚訝一張咁好嘅圖都可以被人鬧,不過最多人讚好嘅留言係「岩手縣連薩利亞都冇呀!」

事情發展到此,就已經唔係單單嘅網上討論,而變成日本嘅社會討論,就連女性雜誌都開始討論此話題,Twitter上亦出現「#サイゼで喜ぶ彼女」標記,而喺呢個時候,一眾日本女網紅就開始加入話題。前AV優上原亞衣、現役AV女優「南乃そら」、由中國去日本發展嘅「Real_Yami」等一眾網紅都親自走去食薩利亞,再自拍放上網抽一抽水,證明真係有樣靚身材正嘅女仔肯去食薩利亞架!

俗語有云:「沒有醜女人,只有懶女人」。的而且確,喺呢個科技發達嘅年代,一個女人想變靚係有無窮無盡嘅方法,而今晚要介紹嘅呢位日本寫真偶像「凛咲子」,就好可能係靠「後天努力」先成為大家眼見嘅性感尤物至於係 ...
girls
【深夜】頂天S字身材 運動系美女「凛咲子」
30 May 2025
相信大家都應該聽聞過有人為OnlyFans網紅(有人叫「網黃」啦)一擲千金,好似去年年尾我哋報導過嘅美國網紅Sophie Rain咁,年收入就達到3.3億港紙。但大家有冇諗過呢班大金主為一個網紅花咁多錢嘅原因係咩?單單係因 ...
thezone
【兩性】男人花課金OnlyFans只因鹹濕? 調查指大金主只為閒話家常
30 May 2025