作為一個有基本求生欲嘅現代香港男人，大家都知「女人係唔會錯，千錯萬錯都係我錯」呢個「基本道理」。但根據巴黎大學嘅一個研究，原來當遇上失敗時，女人係會覺得自己需要負上最大責任，反而係你班男人，就會瀨落去「唔好彩」呢啲外部原因到呀！

圖片：電影《十二夜》

巴黎大學嘅研究，係希望搵出點解唔同國家、文化都有「男人比女人聰明」嘅刻板印象，於是搵黎2018年進行嘅一個國際學生研究，所收集到來自72個國家、超過50萬名15歲青年嘅數據，該研究中其一個問題，係「當遇上失敗時，我會搶心是自己的能力不足」。分析後就發現原來女性青年比起男性青年更傾向覺得「自己能力不足」係失敗嘅原因，簡單啲黎講即係「壇嘢搞唔掂，係因為我唔掂」；反觀男性就更傾向認為失敗嘅原因唔係自己，而係其他如運氣等外部原因，即係「如果唔係乜乜乜，以我嘅能力我老早就搞掂壇嘢啦！」。證明女性的確更傾向懷疑自己嘅能力，而且越發展、性別越平等嘅國家，呢種刻板印象就越普遍。

研究團體特別點明，男仔嘅認為自己嘅失敗係由於外在原因，可能會造成不良影響，「可能會導致男性太依賴打天才波，而低估咗努力於某啲情況下嘅重要性、討厭花時間嘅深入研究，又或者當遇上學業上嘅失敗時，就會好易放棄」。

資料來源：Dailymail