所有男人都有睇過AV，同時所有男人亦一定聽過「睇得多AV嘅影響」，就算唔引用啲咩研究報告我都講得出：降低性欲、影響勃起能力、影響性滿足度乜乜乜乜咁，反正就係壞處多多咁；但另一邊廂，絕大部分女仔都冇 (或者係唔認) 睇過AV，但原來佢哋睇AV係有益架喎！

卻說早前心理學期刊《Pschological Medicine》刊載咗一個法國研究，團隊搵黎超過20,000名來自全球，但講法文嘅成年人，問佢哋一系列關於個人觀看AV嘅頻密度、性能力自我評估、性功能以及由伴侶性滿足度嘅問題，然後第二及第三年再做另外兩份同樣嘅問卷。結果不出意外地發現，睇得越多AV嘅男士，就更傾向回報有勃起功能障礙、難以高潮、性欲低下等問題，然後又影響埋佢哋嘅性能力自我評估 (例如不滿自己嘅陰莖大小)、以及另一半嘅性滿足度，簡單黎講即係有百害而無一利。

值得一提嘅係，所謂嘅「睇『太多』AV」並無一個客觀標準，對某啲人黎講每日睇15分鐘，可能就已經會導致各種問題。

但另一邊廂，同一個研究就發現女性睇AV幾乎係有百利而無一害：睇得越多AV嘅女性，其性能力自我評估、性功能以及由伴侶性滿足度都全面提升。團體無法單憑呢一個研究知道，點解男女睇AV嘅影響會咁唔同，但就估計可能係同男女睇AV嘅口味不一樣有關。報導指男性偏向睇「Hardcore」或者有癖好 (例如制服、例如角色設定)嘅AV，而女性一般就偏好睇「Softcore」、更貼緊現實一啲嘅AV，而正正係因為長期接觸充滿「味精」嘅AV，男性就會對現實生活嘅自己產生懷疑，「點解我冇人哋咁大咁長？點解我冇人哋咁大隻？我咁嘅樣會有咩人想同我做愛？」從而影響其性欲以至滿足感。

資料來源：Porn use and men's and women's sexual performance: evidence from a large longitudinal sample