4月初時，唔知Twitter發咩神經，竟然於兩日之內封鎖數十名日本AV女優、經理人公司以至片商嘅Twitter，搞到AV界一陣腥風血雨。當時就已經有人向時任Twitter第一大股東Elon Musk求救，但事件亦未有解決。好啦，隔咗將近一個月，Elon Musk已經於本月26日成功收購Twitter，而咁啱得咁橋，部份AV女優嘅Twitter亦於26日起解封！莫非真係首富出手打救？

ただいまです(´•ω•̥`)凍結解除されました????ご心配おかけしました????‍????????
.

— 岬ななみ Nanami Misaki???????? (@m_nanami_m) April 26, 2022

解除されてる、、、？

— 小宵 こなん???? (@konan_cmore) April 26, 2022

是咁的，縱然大部份女優嘅Twitter到撰文之時都仲係被凍結狀態，但部份如「Miru (舊名坂道みる)」、「岬ななみ」、「希代あみ」以及「小宵こなん」等人嘅Twitter，就於4月26日突然解封。就連女優們自己都感到非常驚訝。由於解封日期與Elon Musk成功收購Twitter相同，有網民就估計 (戲稱) 係Elon Musk出手打救一眾AV女優。

值得一提嘅係，有Fans問「小宵こなん」近排係咪做咗啲咩好事，而佢就答近排去咗捐血。

復活したンゴォ！！！ pic.twitter.com/hXYBwAYSOe

— 希代あみ (@kitai_cmore) April 26, 2022

雖然目前唔知女優們被解封與Elon Musk有冇關係，亦唔知當日AV女優們點解要被封，但呀首富就曾經講過，自己收購Twitter就係為咗將其變成「言論自由的基石」，或者解封AV女優就係佢打嘅第一槍？