「婚外情」絕對唔係一件罕見嘅事，而「出軌」嘅一方亦可能有男有女，不過近日一個新加坡研究就對已婚男性出軌嘅行為，提出一個新觀點——佢哋認為男性出軌係因為人類演變而成嘅「妥協關係」。

來自新加坡管理大學嘅博士研究生Bryan Choy日前發表一份關於已婚男士出軌嘅研究報告。據佢講，佢認為以進化輪而言，男性為咗要增加自己嘅繁殖機會，理論上應該要搵好多「短期伴侶」；但另一邊廂女性為咗要成功繁殖，佢哋又需要一個能夠長期照顧、投入呢段關係嘅伴侶。換言之從演變嘅角度睇，男女性嘅擇偶條件本身就有衝突。

而經過三個分別調查，佢哋知道得知不論男女，都認為婚外情 (以及如果佢要婚外情的話) 男性睇重嘅係外貌、年紀等「短期關係」嘅特徵、作為婚外情對象嘅女性就睇重財政、社會地位等「長期關係」特徵。而偏偏出軌呢件事就能夠滿足雙方嘅需求：男性得到年輕貌美嘅女性，女性得到男性金錢及社會地位上嘅好處，換言之「婚外情」就係「妥協」咗男女需求而成嘅關係。

圖片：《色戒》

但要留意嘅係，Bryan Choy強調唔係因為人類演變所以男人一定有婚外情，女人又一定會做第三者，重點在於如果原本段關係就已經能夠滿足雙方嘅需求，根本就唔需要搵多一段「妥協關係」黎彌補，所以「婚外情」只係男女追求不同特質而且不能滿足而產生嘅副產品。