{ SKIP }
文:MenClub 魏文青  
POSTED ON 25 Aug 2022

相信唔少人都曾經有用交友APP嘅經驗,甚至唔少人都曾經期望於交友APP上搵到真愛,但實際用落就會發現,要喺交友APP上搵到與自己匹配嘅對象,其實係一件非常困難嘅事,更多時候一係就配對唔到,一係就配對嘅人唔啱心水,點解會咁呢?日本《週刊SPA》早前就搵黎兩性專家分析交友APP上嘅男女生態,原來一切都係一個局黎!

圖片:《週刊SPA》

《週刊SPA》早前就「日本20代男性有4成人從未約會過」而製作咗個專題報導,其中一部份就搵黎日本戀愛顧問「鈴木リュウ」分析交友APP上嘅生態。而鈴木リュウ就用一張圖黎解釋。

首先,圖中左右分別為S級至D級嘅男女 (以交友APP上嘅獲讚數區分)。其中S級男及S級女由於自身條件已經夠好,根本就唔需要用交友APP,所以A級男女就已經係交友APP上最高質嘅一群,而考慮到交友APP上男性遠多於女性,所以A級女生好快就可以搵到心儀對象,然後退出交友APP;淨返嘅A、B、C級男性,就會於交友APP上與B、C級女性配對。

問題就出在呢個「A、B、C男配B、C女」嘅情況。由於B、C級女性於交友APP上會見到A級男嘅檔案,所以佢哋就會以搵到一個A級男為目標,問題係A級男雖然有大量讚好,但對方通常都係佢認為「比唔上自己嘅人」,所以最後無法配對;另一邊廂,B、C級女又因為A級男嘅存在,而對於「配得上自己嘅男生」產生誤判,於是睇唔上同級嘅B、C級男,令B、C級男於交友APP上讚好、配對數奇低,成為使用滿足度最低嘅一群人。結果造成「A級男睇唔上B、C級女;B、C級女又睇唔上B、C級男」嘅困境。而B、C級男就會因為希望得到更多配對而課金,成為營運商嘅主要收入來源。

有趣嘅係,由於D級男與D級女同樣都不太受歡迎,反而會非常珍惜每一次配對,所以「於交友APP上認識再結婚」嘅機率反而係最高。

資料來源:《週刊SPA》

雖然喺日本做寫真女星素來都冇咩真正嘅年齡下限,唔少人十五六七歲就已經出緊幾隻DVD,但一般黎講都會與女星成年與否作一個界線,成年後於作品數量及尺度方面都會擁有更大自由度,簡單黎講即係可以大展拳腳!而今晚 ...
girls
【深夜】18歲生日後寫真連發 「制コレ」冠軍「蓬莱舞」
12 Apr 2024
Apple Vision Pro(AVP)早前正式推出時,曾經引起一時哄動,但唔少人好快就發現AVP嘅概念同硬件雖然好好,但就好貴同似乎冇咩實際用途,所以一度出現退貨潮。不過近日有外媒報導,美國情侶檔成人創作者「Diana and ...
thezone
【科技】Apple Vision Pro新用法?美國情侶用黎拍VR色情片
11 Apr 2024