作為「痴漢」一訶嘅發源地，現實生活中嘅日本電車上的確經常出現痴漢非禮女生。但近日日本警方就拉咗個「新型痴漢」，其作案手法就連日本人都覺得非常誇張——因為佢係直接剪開受害者條裙，再伸手入去摸！

圖片：週刊文春

據日本媒體報導，大阪警方於9月時拘捕一名23歲無業男子「加久翔人」，其罪名係先後7次於京阪電車內非禮女高中生，而當中最少有一次係利用剪刀，於受害人條裙嘅後方剪出一個5cm x 10cm嘅缺口，再伸手入去非禮。結果該名受害者返到學校，準備換體育服時先發現自己條裙被剪開。

圖片：週刊文春

而加久翔人於被捕後向警方表示，自己早於8月時就已經開始於電車非禮女學生，最初都只係就咁伸手去摸嘅「正常痴漢」，後來因為「隔住條裙摸已經滿足唔到」，所以先會改用更誇張嘅「剪裙」方式。佢亦表示自己專門針對獨自一人乘車嘅女學生，所以唔擔心會被發現。更值得一提嘅係，加久翔人之所以被捕，係因為佢於9月時從後擁抱另一名女學生而被控襲擊，換言之佢於短短兩個月之內就由「隔裙非禮」、「剪裙非禮」發展到「暴力非禮」，若非被捕，好可能會犯下更嚴重嘅罪行。

資料來源：週刊文春