{ SKIP }
文:MenClub 魏文青  
POSTED ON 13 Jan 2023

AV女優深田詠美 (深田えいみ) 唔單止拍片好睇,佢於網上嘅影響力亦十分巨大,除咗近來Twitter追蹤者人數突破300萬之外,IG嘅追蹤人數突破150萬、YouTube訂閱人數亦突破120萬,話佢係網絡上最多人留意嘅AV女優,大概並不為過。而巨大嘅網絡人氣,亦代表有唔少品牌希望搵佢合作推廣商品,點知早前有公司想搵深田詠美合作,結果卻被兩次甩底,最後仲查出佢嘅經理人公司疑似捲款潛逃。

事件由《週刊文春》於日前爆出。卻說2021年初,日本一個化妝品品牌就希望與深田詠美合作,推出佢嘅個人香水「Eimy Latte オードパルファム」,而深田詠美嘅經理人公司就派出一名「U先生」與化妝品品牌代表「A先生」商討細節,最終就決定於2021年5月拍攝宣傳照。

點知到拍攝當日,U先生突然向A先生表示,深田詠美因為用咗朋友送嘅代妝品而出現敏感反應,要Call救護車入院,所以未能出席拍攝。A先生只好硬食已經訂好哂嘅拍攝地點、攝影師、化妝師等總計55萬Yen費用,並與U先生相約於兩個星期後拍攝。然而第二次拍攝當日,深田詠美再次甩底,而今次U先生提供嘅理由就係「佢冇話畀公司知就去咗朋友嘅婚禮」,於是A先生再次硬食49萬Yen嘅拍攝費用。

最後推出嘅香水

日本法院發出嘅付款通知書

兩次被甩底仲要食咗過百萬Yen嘅費用,A先生當然非常憤怒,尤其係佢事後發現,深田詠美個YouTube Channel喺佢聲稱「敏感到要Call白車」嗰日都仲有上傳影片,佢就更加覺得深田詠美係嘲笑緊佢 (當然,YouTube影片係可以預定時間發佈)。所以雖然雙方於2021年7月時成功完成拍攝,但佢都決定向深田詠美嘅經理人公司44Management追討前兩次嘅拍攝費用,而當時U先生就表示公司會承擔起責任。點知U先生就隨即人間蒸發,電話、訊息都完全搵唔到人。

A先生於是向法院遞交「付款要求請願」,而法院亦將文件送去44Management嘅辦公室,點知就摸門釘冇人收件;法院於是再將文件送去44Management嘅社長屋企,今次有人收件,但依然冇人找數。A先生一怒之下就決定向法院申請強制執行,直接由44Management個銀行戶口拎錢,結果就發現44Management銀行戶口入面,僅有6000Yen (約HK$350)。更離奇嘅係,日本國稅局隨即聯絡A先生,表示佢哋正調查緊「深田詠美單嘢」,目標係想知道深田詠美同44Management之間嘅資金流動。

文春嘅報導至此就告一段落。但據台灣AV達人「一劍浣春秋」表示,44Management的確可能存在有人虧空公款,捲款潛逃之事,甚至其他經理人公司亦一早傳出「佢哋玩完啦」嘅傳聞;同時去年9月又的確有傳聞指日本國稅局正調查44Management嘅資金流向,所以今次《文春》嘅報導好可能係事實。而深田詠美雖然唔係捲款潛逃嗰個,但兩次甩底都會令其形象受損。

資料來源:週刊文春AVNO1

如果大家有留意日本新聞,或者會知道近日日本壽司郎因為一個高中生嘅惡作劇而導致股價大跌,蒸發160億Yen市值,甚至有網民影到平時人滿為患嘅壽司郎竟然門可羅雀。而喺呢個時候,Twitter上就出現一條號稱「一個女仔 ...
girls
【深夜】拯救日本迴轉壽司店的台灣女生 「紳士龍蝦」
02 Feb 2023
性教育對於青少年身心發現都係相當重要嘅一環,但大家都做過青少年,都知道不論家長定學校,大家對於「性」呢個話題嘅態度都係相當保守,最後大家嘅性知識來源,唔係當年《Yes!》入面個Ms.Sex,就係大家辛辛苦苦搵返 ...
thezone
【兩性】研究指近8成少男少女靠睇AV學做愛
02 Feb 2023