{ SKIP }
文:MenClub 魏文青  
POSTED ON 09 Feb 2023

AI近日成為熱門話題,唔少人都討論緊未來有咩工種將會被AI取代。而近日Twitter就有人Post出多張性感美女圖,表示唔少網紅販售「私人內容」嘅Onlyfans,未能或者會充斥住AI生成嘅美女圖。與此同時,亦有網民細心分析出圖片嘅穿崩位,如果大家未來唔想「J錯嘢」就要細心留意啦。


卻說Twitter用家Heart (@heartereum) 於上月尾分享咗多張「性感美女圖」,圖中可見四名身穿性感內衣、身材、樣貌都堪稱完美嘅金髮女子。據Heart指,由於圖中呢幾個女仔實在太完美,所以當時網民就熱烈討論圖中嘅究竟係咪真人。及後Heart亦分享咗另外幾張類似嘅圖片,當中更有黑翇亞洲女仔嘅版本,但圖中嘅女仔無一例外都係非常完美。所以佢都戲稱,未來可能要用呢啲AI圖開個Onlyfans黎搵錢。

個人認為呢張圖嘅最大破綻,在於左一同左二兩個女仔大腿之間嘅唔自然。以及後面度唔知點解分咗做兩道嘅門

隨後另一Twitter網民「boi of moon (@moonboi_)」就仔細分析其中一張圖片,並搵出多個穿崩位。當中包括內衣肩帶嘅不自然、人物邊緣出現瑕疵、頭髮與鎖骨融為一體、人物身體重疊位置出現差錯等。特別值得一提嘅係,目前嘅人工智能似乎相當唔理解人類嘅手指,有人分析另一張亞洲女仔圖片,發現其中一人嘅手指與身體融合;而另一張「單人自拍」手指亦出現不自然延伸;最後一張「三人池邊合照」就更誇張,右邊個女仔個頭無啦啦生咗兩隻手出黎。

留意左一女仔嘅右手中指

留意右一女仔個頭

雖然話目前AI生成嘅人像,仔細睇嘅話依然能夠分辨出真偽,但正如Heart所講,重點唔係「當你聞Mon時見唔見到有瑕疵,而係依家AI生成嘅圖已經足夠呃到80%普通人」。事實上大家睇上面幾張圖時,好可能亦冇辦法第一時間分辨到係真人定AI生成。或者假以時日,大家喺AI撳幾個掣,就已經有用唔完嘅材料。

雖然話魚水之歡的確令人流連忘返,但相信各位男士都唔會否認做愛其實係一件幾消耗體力嘅事。咁如果你想做運動減肥、同時又好鍾意做愛,用做愛黎代替一般運動又有無得諗呢?近日一個網上嘅「性愛姿勢卡路里計數機」就 ...
thezone
【兩性】做愛減肥有無得耐? 網上「性愛姿勢卡路里計數機」可能幫到你
26 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025