去年曾集資8.4億Yen，日本派遣式維修汽車初創公司Seibii，早前宣佈創辦人佐川悠離任CEO一職，改由COO千村真希頂上。就咁睇，你或者以為會係普通嘅人員變動，但實際上，整件事嘅起源就要數到上月日本《週刊文春》爆出，佐川悠除咗「初創CEO」呢個銜頭之外，原來仲係一位於myfans及Pornhub上出售/發放自拍性愛影片嘅「創作者」。

據《文春》報導，日本名校慶應大學畢業嘅佐川悠，原來喺創立Seibii嘅同時，亦有以「美女と変態@中出しハメ撮り物語」之名，拍攝自拍性愛影片，並將其發佈於Pornhub以及myfans (類似OnlyFans嘅網站)之上。更重要嘅係，據報影片嘅拍攝地點包括森林、大廈天台、貼紙相機內，甚至試過半夜將女伴帶回Seibii嘅辦公室，於職員們工作位置以及後樓梯中拍攝。

由於目前所有相關影片都已經刪除，大家已無法查看影片實際內容。但據報，雖然佐川悠於Myfans主頁中聲稱「根據日本法律，部份內容已打上馬賽克」，但實際出售嘅影片就可以清楚見到性器官，據日本律師指出，觸犯相關日本法律嘅最高刑罰為入獄兩年及罰款250萬Yen。

・佐川悠社長は既婚者(子あり)
・「自分は独身」と偽って交際した女性を動画に出演させる
→女性は撮影許可は出していたが販売は知らされず
・その後女性が妊娠
→産みたい女性に対し佐川社長が「土下座するから中絶してくれ」と懇願
・その後、既婚者であることや動画販売が判明し裁判沙汰に(今ここ) pic.twitter.com/ewKRSnwr7Y

— 滝沢ガレソ???? (@takigare3) February 5, 2023

影片截圖

Myfans專頁及收費計畫

而據Twitter熱話專頁「滝沢ガレソ @takigare3」補充，現年37歲嘅佐川悠已經結咗婚仲有小朋友，所以佢係瞞住老婆仔女，同時扮單身地去認識影片中嘅女性。而片中女性雖然同意佐川悠拍下性愛過程，但就冇同意過佢將影片出售。更甚者，佢更曾經搞大影片女伴個肚，喺對方 (唔知佐川悠已婚) 想將小朋友生落黎時，佐川悠更土下座跪求對方進行人工流產。最後該名女性因為得知佐川悠已婚，及將影片出售圖利而提告。

資料來源：週刊文春