近日日本AV界可謂新聞不斷，先有三上悠亞預告引退，又有香港女生素海霖宣佈出道，而今日就輪到著名AV片商「SOD」社長因「未經許可接待營業」而被捕——不過就同大家想像中嘅有啲唔同。

據日媒報導，東京都公安委員會，就以「未經許可接待營業」之名，將SOD社長井口翔以及店長樋口剛拘捕，並同時帶走數名當時於店內工作嘅女員工，再於今日殺上SOD總公司搜索。

大家一見到「SOD」同「接待營業」，可能下意識就認為係同啲唔見得光嘅事業有關。但其實涉事嘅係自2020年就於新宿歌舞伎町光明正大地開業嘅「SOD LAND」主題樂園。SOD LAND樓高四層，主要賣點係「可以與AV女優見面」，每層都會有唔同主題，除咗可以同女優玩「色色的小遊戲」之外，最高一層更可以透過玻璃，以包括「從下而上」等角度仔細觀察身穿性感服裝嘅女優。雖然係以SOD及女優作賣點，但大致上都停留於兒童不宜嘅尺度。

【臨時休業のおしらせ】

SODLANDは当面の間休業とさせていただきます。
ご来店いただく予定でした皆様、また関係者の皆様に深くお詫び申し上げます。https://t.co/ty1y46Ny7N

— SODLAND (@sodsakabagroup) March 16, 2023

案情重點就在於「接待」二字，因為按日本法例，所謂「接待」係指「以企業利益為最終目的的活動和宴會」，具體而言就係大家熟知嘅「陪酒小姐」之類嘅服務，而此類服務係受日本風俗法規所限。而SOD LAND過往就一直游走於法例邊緣，今次就應該係被日本警方認為其業務符合「接待」之定義，所以違法被捕。

事件發生後，SOD LAND亦放出公告，先表示會於明日 (3月16日) 暫停營業。隨後再指無限期暫時關閉。

資料來源：news.ntv