{ SKIP }
文:MenClub 魏文青  
POSTED ON 23 Aug 2023

平時夜媽媽唔瞓覺、對住電腦睇日本「動作片」嘅大家,相信都會知道日本有個非常出名、出名到就叫做「那個泳池 (例のプール)」嘅泳池。由於歷年黎有好多男女演員曾於呢個泳池上演連場大戰,令佢成為唔少觀眾心目中嘅性…「勝地」。而近日有位日本「Plarail」創作者,就將「那個泳池」變成鐵道世界,仲吸引到唔少爸爸表示要帶埋個仔去參觀,創造父子回憶。

話說「Plarail」係由Takara Tomy推出嘅一款兒童向鐵道玩具,簡單黎講就係會不停推出各種路軌、列車組件,讓玩家建設屬於自己嘅鐵路世界。而X (Twitter)上嘅「プラレールの宿の松岡さん」就係一名專門製作「Plarail」相關內容嘅創作者,佢於7月時發文,表示如果有超過一萬個讚好,佢就會將「那個泳池」變成「Plarail鐵道大會」。結果帖文吸引到超過6萬個讚好,而佢亦於日前「找數」,公開最終嘅建設成果。

該「找數帖文」一出,除咗吸引大量網民讚好外,亦有人盛讚係「男人的浪漫」、「滿足男孩及男人嘅慾望」。唔少人亦希望「松岡さん」公開整個製作過程。

順帶一提,大家或者都會發現,「那個泳池」近年嘅出鏡率大減。翻查報導,台灣AV達人「一劍浣春秋」曾於2020年撰文,表示由於每次拍攝完都要花費大量人力物力清潔男女優嘅「遺留物」,包括整個泳池都要放水消費毒,所以擁有者嘅管理成本其實非常高;另一邊廂日本片商受疫情影響緊縮開支,預約場地嘅預算就更加少,所以未來大家能夠見到「那個泳池」嘅機會應該會越黎越少。

早年有日本報導曾經分析過,指假若將交友App上嘅男女分為ABCD級,咁無論係A、B定C嘅女性都會以A級男為目標,而又由於交友App上男多過女,所以好多所有A級男都會有配對,剩返嘅B、C級男就因為無人揀而成為被遺棄嘅一 ...
thezone
【兩性】研究指交友App上男更「好高騖遠」 但成功配對大多水平相當
05 Aug 2025
早前有韓國女團成員於節目上坦承因為細個時要做練習生,所以連小學都無畢業,最高學歷僅為幼稚園。事實上,唔少偶像都為咗演藝事業放棄學業,但其實亦有人為咗學業而願意放低工作。好似今晚要介紹嘅呢位「麻倉瑞季」 ...
girls
【深夜】為學業停工一年順手減12Kg 「麻倉瑞季」絕好調回歸!
04 Aug 2025