日本X (Twitter) 上有唔少漫畫家、插畫家會定期分享自己畫嘅性感二次元女生，而且往往都會吸引到大量二次元愛好者觀看。但一個經驗豐富嘅畫師，唔代表佢係一個經驗豐富嘅「老司機」。好似有近80萬名Followers嘅日本畫師「きただりょうま (@R_Kitada)」咁，於早前嘅某張創作中就犯咗一個「致命錯誤」，唔知各位又搵唔搵到個錯誤喺邊呢？

「何そんなじっと見てるの？」 pic.twitter.com/JZQPBpspZW

— きただりょうま (@R_Kitada) June 28, 2022

話說「きただりょうま」於6月尾時推出畫集《與陌生女子共處一室之畫集2 (見知らぬ女子高生に監禁された時の画集2)》，並於X上分享咗畫集嘅封面圖。圖中可見佢創作嘅角色「此方」身穿性感內衣褲、吊襪帶加上魚網絲襪，並背向鏡頭蹲坐，展示出又圓又豐滿嘅Pat Pat，非常誘人

但張圖好睇還好睇，唔少「老司機」網民好快就點出圖中有一個致命錯誤，就係角色嘅內褲應該要喺條吊襪帶出面，而非入面！

この絵を見て、すぐにガーターの履く順番が違うとわかった君はドスケベなのだ！ https://t.co/6cPi5tcgkO

— あすけんのナオンを笑顔にするゲロイさん (@O4O2YoeDWiE8VQk) June 28, 2022

pic.twitter.com/6wicNjEism

— ちべすな (@tibe_suna_pen) June 28, 2022

「し…知ってたし…？」 pic.twitter.com/ZEfAB6Ckgd

— きただりょうま (@R_Kitada) June 29, 2022

原來為咗方便女性去廁所時唔使全部脫光，所以正確穿著方法應該係先著吊襪帶及絲襪，再穿上內褲，換言之內褲應該要位於吊襪帶嘅外面而非入面。但或者係因為下意識地覺得「內褲就應該係最入面」，又或者單純覺得「內褲包住條帶睇落唔靚」，所以「きただりょうま」先會犯下呢個「經驗不足」嘅錯誤。難怪有網民笑稱：「如果你一眼就睇得出張圖有咩錯誤，你一定係個變態。」

而「きただりょうま」後來亦有修改圖片後重新上傳，仲畫埋自己參考網民提供資料嘅畫面入去，算係幽咗自己一默。