{ SKIP }
文:MenClub 魏文青  
POSTED ON 16 Oct 2023

所謂人生不如意事十常八九,成世人流流長,總會遇到幾個低潮。而如果你依家不幸地處於低潮之中的話,或者睇下今晚要介紹嘅呢位「熊切あさ美」,就會令你心情好好多。事關「熊切あさ美」自出道以黎都曾經歷過多次低潮,但到依家都為自己嘅幸福而奮鬥緊!

現年43歲嘅「熊切あさ美」,早於高中時間就因為仰慕廣末涼子而一心想加入演藝界,為止佢於兩年內參咗48個不同嘅徵選,終於喺1998年加入女子偶像團體「チェキッ娘」,但短短一年後團體就宣佈解散,熊切あさ美旋即陷入幾年冇工開兼被仔飛嘅困境。後來佢為咗鍛鍊自己嘅口才,希望有日登上日本綜藝節目時可以有好表現,於是走咗去仙台某間夜總會做陪酒小姐,而且成為夜總會頭牌,甚至佢本人都一度「潛船」,打算嫁畀其中一位客人就算。好在經理人公司知情後,立即派人將佢帶回東京,而佢亦因為呢段經歷而被遨請上節目,仲多咗個「懸崖勒馬的偶像」嘅花名。

「熊切あさ美」之後嘅事業發展雖未算大紅大紫,但總算平平穩穩,2013年時更與《半澤直樹》男演員「片岡愛之助」拍拖。點知2015年時,日本媒體影到「片岡愛之助」出入女神「藤原紀香」屋企,半年後仲結埋婚,搞到「熊切あさ美」戴住定情戒指上節目,指控男方從未對佢提出分手,係一腳踏兩船嘅渣男。

雖然感情受到重創,但「熊切あさ美」依然冇放棄,繼續努力做運動、打拳保持身型,2020年更再次推出性感寫真集,展示完全唔似40歲嘅完美體態,非常有「活得比你好」嘅味道。

IG:asami_kumakiri

俗語有云:唔怕生壞命、至怕改壞名。但改咗個好名,又係咪真係會「人如其名」呢?近日日本一位農務系教授就因為個名改得太正氣而引起熱議,而佢個名就係超中二嘅「執行 正義」。 blockquote class="twitte ...
thezone
【日本】「執行正義」!! 日本農務系教授名字超中二
22 Feb 2024
一個新人要於日本寫真界取得成功,除咗要依賴佢本身嘅「硬件」之外,其實仲需要好多其他因素配合,例如本身有冇特別嘅資歷,可能打過咩工、做過Model偶像等,有嘅話就更容易吸引到雜誌為你製造話題。而今日要介紹嘅 ...
girls
【深夜】奇蹟的八頭身 寫真界神秘新人「あんもち。」
21 Feb 2024