{ SKIP }
文:MenClub 魏文青  
POSTED ON 17 Nov 2023

雖然LBGTQ+權益似乎係大勢所趨,但相信絕大部份人都會同意,人類社會目前嘅機制其實係好難應對不停流動、更新嘅性別概念,甚至可能會出現被人濫用嘅情況。好似近日日本就有個大叔就公然行入女性澡堂,被捕後用「我內心係女人」黎做理由,結果引起日本網民熱議。

據日本《產經新聞》報導,日本三重縣警方於週一拒捕咗一名來自愛知縣嘅43歲男子。據知該名男子於週一晚上8時20分「於沒有正當理由的情況下」進入三重縣桑名市嘅一間溫泉設施嘅女性澡堂,而當時澡堂內正有女性客人正在使用。客人們向溫泉負責人報告後,負責人再報警,警方到場將男子拘捕。警方透露男子被捕後,曾作供指「我內心明明係個女人,完全不理解為何不能進入女性澡堂」。

事件被報導後,吸引到唔少日本網民熱烈討論。當中大量女網民指出,如果個大叔內心真係個女人,就「應該明白女人唔鍾意男人身體進入澡堂」;同時亦有人指出「內心係女人」一事難以證實,其他客人亦唔會知道,所以「要身體都係女人先可以」。

亦有人提出未來溫泉、澡堂等地方可能要寫明「身體是女性的才能進入」;另有人指出就算將來設立性別中立嘅澡堂,結果都只會係 (身體) 男性先會入,結果就同男子澡堂冇分別。

唔知大家覺唔覺得,近年年輕人嘅打扮、舉止甚至思想都越黎越老積,似乎無咗我哋年輕時嘅嗰種青春、純真。如果你都懷念呢種感覺的話,咁你就可以多啲留意今晚介紹呢位「東条澪」,事關即使佢已經大學畢業,但仍然有住 ...
girls
【深夜】童顏童心大學生 日本社團美人「東条 澪」
24 Oct 2025
以貌取人係社會常態,所以唔少人都覺得只要生得靚仔靚女,人生就一定過得非常順遂。不過今晚要介紹嘅呢位「山田あい」就好可能係一個反例,事關號稱「寫真界令和超新星」、擁有I Cup魔鬼身材嘅佢,竟然曾經要露宿街 ...
girls
【深夜】寫真界令和超新星 「山田あい」竟曾露宿街頭
22 Oct 2025