{ SKIP }
文:MenClub 魏文青  
POSTED ON 14 Feb 2024

深田詠美(深田えいみ)既係亞洲知名女優,IG及X(Twitter)上又合共有600萬Fans,理應就過住相當富裕嘅生活。不過,日本八卦媒體《Smart FLASH》日前就報導指出,去年聖誕節時深田詠美被拍到與男友於「高架橋下的拉麵店」步出,顯示二人一齊「捱緊」,而要捱嘅原因,就係因為深田詠美目前正因欠稅8000萬Yen(約HK$415萬)而面臨財政困難。

圖片:Smart FLASH

據《Smart FLASH》指出,深田詠美去年更換經理人事務所後,隨即被日本政府當局追討佢為前事務所「44 Management」工作時嘅所得稅。媒體估計於過去七年(包括以「天海こころ」之名活動時期)深田詠美嘅平均月薪大約為200萬Yen,換言之七年總收入達1.5億Yen以上(約HK$770萬),應課稅約8000萬Yen(約HK$415萬)。而去年4月被追討稅項時,深田詠美就已經全部積蓄,約2000萬Yen全數上繳,目前正為籌措餘下嘅6000萬Yen四出奔走,所以先會有「聖誕節都要食拉麵」嘅情況出現。

在 Instagram 查看這則貼文

深田えいみ(@eimi0318)分享的貼文

《Smart FLASH》亦指出,前事務所當年曾向深田詠美表示「已解決所有稅務問題」,但事實上就係完全冇報過稅,所以先令深田詠美一次被追七年欠稅。而據台灣AV達人「一劍浣春秋」報導,曾經同屬44 Management旗下嘅另一女優「日向なつ」,於深田嘅報導出街後亦於X上明言表示「討厭前事務所會長」。所以目前外界大多認為深田亦係受害者之一。

而被拍到與深田一齊聖誕食拉麵嘅,就係佢拍拖年半、與日本男子團體「KAT-TUN」成員同名嘅醫美醫生兼YouTuber男朋友「田口淳之介」。據報「田口淳之介」並非其本名,而係佢當年就讀醫學院時因為某件事被逮捕、和解後而換嘅名,由此可見呢位「田口淳之介」亦未必係咩「純情小白兔」。但報導亦指「田口淳之介」係深田目前嘅最大依靠,亦曾向親友表示「與深田一起非常開心」,加上二人可以一齊聖誕食拉麵,似乎就係患難見真情。

資料來源:Smart FLASH

正所謂「民以食為天」,相信唔少人都將「食好西」定為自己嘅人生目標之一。而近日一個日本大學研究就發現,「食好西」原來唔單止會令你又飽又開心,原來仲會令大腦進入「覺醒」狀態,可能有助提高集中力、工作效率! ...
thezone
【美食】又多個理由追求美食! 日大學發現「好味炒飯」讓大腦覺醒
02 Jun 2025
俗語有云:「沒有醜女人,只有懶女人」。的而且確,喺呢個科技發達嘅年代,一個女人想變靚係有無窮無盡嘅方法,而今晚要介紹嘅呢位日本寫真偶像「凛咲子」,就好可能係靠「後天努力」先成為大家眼見嘅性感尤物至於係 ...
girls
【深夜】頂天S字身材 運動系美女「凛咲子」
30 May 2025