俗語有云：唔怕生壞命、至怕改壞名。但改咗個好名，又係咪真係會「人如其名」呢？近日日本一位農務系教授就因為個名改得太正氣而引起熱議，而佢個名就係超中二嘅「執行 正義」。

ネーミングセンスがかなりヒロアカだろ pic.twitter.com/TjeqdJl18B

— しかく (@yonk_4k) February 14, 2024

圖片：https://www.yamaguchi-u.ac.jp/agr/teachers/index.html

卻說日前有日本X網民發現，日本山口大學農學部有個教授叫做「執行 正義」，由於太似漫畫中嘅角色名，加上《一拳超人》動畫中埼玉嘅主題曲就叫「正義執行」，所以引起熱議。

據網上資料顯示，「執行」乃係日本真實存在嘅罕有姓氏，目前全個日本僅有約3,900人擁有呢個姓。而「執行 正義」呢個名，全日本同名同姓嘅有4個人，其中三個都係福岡縣人，好可能就包括「執行 正義」教授。

圖片：https://myoji-yurai.net/searchResult.htm?myojiKanji=%E5%9F%B7%E8%A1%8C

圖片：https://www2.nipponsoft.co.jp/bldoko/index.asp

網民們表示，「執行 正義」呢個名好似會於《我的英雄學院》、《一拳超人》或者《逆轉裁判》中會出現嘅角色。但有趣嘅係，由於「執行正義」正氣得太過份，所以網民笑稱呢個角色睇落係會「有扭曲的正義」、「中途會黑化」、「原本係頂級英雄，之後墮落成大魔王」。

但睇返山口大學嘅官網，「執行 正義」教授專研「野菜園藝學」，研究主題有「提高植物工場的野菜生產效率及附加價值」以及「野菜遺傳分析及品種改良」等，睇佢個樣亦係一個和藹可親嘅大叔，同佢個極有霸氣嘅名頗不相符。