{ SKIP }
文:MenClub 魏文青  
POSTED ON 03 Apr 2024

日前有日本團體指出,由於日本係目前全球唯一強制要求已婚人士必須用同一個姓氏嘅國家,當中又有95%情況係女性改跟夫姓,如果情況持續,大姓「佐藤」就會不停取代其他姓氏,最終導致2531年後,成個日本都姓佐藤。

而雖然條數係於4月1日愚人節公佈,或多或少都有啲嘩眾取寵,但計出呢條數嘅人日本東北大學經濟學研究教授「吉田浩」,所以都係有紋有路。吉田教授利用日本人口普查數字,先整理出令姓氏人數嘅變動原因,主要可以分為「結婚(即其中一方要改姓,佔16.7%)」、「離婚(某一方要改返原本姓氏,佔5.9%)」、出生(某姓氏人數增加,佔25.5%)以及死亡(某姓氏人數減少,佔51.9%),以證明結婚改姓對某個姓氏人數嘅影響。

隨後佢又算出,2022年至2023年間,「佐藤」姓人數嘅增長幅度大約為0.83%,如果按呢個增長率一路滾落去(請回憶小學數學中嘅複利概念),就會知2531年時,「佐藤」姓嘅佔比將會超過100%,換言之所有日本人都姓「佐藤」。

其實呢個「2531年佐藤問題」,係由致力推動改變日本已婚人士姓氏規定嘅團體「Think Name Porject」公佈,目的就係點出目前「強制改姓」規定嘅不合理之處。據其官網指出,日本係目前唯一一個強制要求夫婦必須同姓嘅國家,而95%情況都係女性改跟夫姓,而女性捨棄本姓後會遇到好多問題。假如直接使用新姓名,就會與過去用本姓活動時嘅紀錄產成分裂;如果戶籍改名,但日常生活使用舊名,又會缺乏官方文件去證明你個本名;如果為咗避免以上麻煩而選擇唔註冊,面對醫療、保險、房契問題時又可能不被認可。簡單黎講就係百害而無一利。

「Think Name Porject」就係希望透過「2531年佐藤問題」喚起大家對強制改姓規定嘅反思,從而推動改制。

資料來源:Think Name Project

女性懷胎10月產子,又攰又辛苦又痛呢啲都不在話下啦,身邊唔少女性朋友仲慨嘆生完仔之後身材走哂樣,想扮靚都有心無力。所以我哋除咗要感謝媽媽們嘅偉大之外,更需要特別欣賞嗰啲生完好似無生嘅美女。好似今晚要介紹 ...
girls
【深夜】咁樣有個5歲女你信?日本媽媽「聖菜」
18 Sep 2024
好多人都覺得女仔生得矮冇咩所謂,但其實如果一個女仔生得矮,就算再靚女都只會被稱讚為「可愛」,好似「矮」同「靚」係相沖咁。反觀「性感」呢個讚美詞就中立得多啦,高又可以性感、矮又可以性感,如果矮到好似今晚 ...
girls
【深夜】火辣小惡魔 豪飲豪食「はのんまゆ」
16 Sep 2024