{ SKIP }
文:MenClub 魏文青  
POSTED ON 13 Jun 2024

做愛固然能夠帶來快感以及增加與伴侶嘅親密度,但相信所有男士都會認同,做愛其實係一件幾攰嘅事。咁既然又要郁,又會攰,做愛又能唔能代替去做Gym,成為一種「運動」呢?過去外國討論區Reddit上就有大量網民熱議過呢件事,近日亦有專家指出「理論上可以」,不過就有個非常大嘅前題。

英國《每日鏡報》早前就「做愛能否代替做Gym」,咨詢咗兩位專家。例如物理治療師Kieran Sheridan醫生就指,做愛理論上係符合「運動」嘅定義,但如果你係打算透過「做愛」獲得「運動」嘅相同效果,你就必須要做得又長又密。佢指出一場六分鐘嘅性愛大概會消耗21卡路里,換言之你一日做3至4次、每次做半個鐘,就能夠消耗315至420卡路里,等同一次運動。但先唔好理你身體堅唔堅持到呢個次數同時數,淨係能否於每日百忙之中抽空出黎做四次已經係個好大嘅問題。

而英國家庭醫生Lawrence Cunningham亦指出「強度」問題。佢話要有「運動」增強心肺功能、提高體力、靈活性等效果,「做愛」過程中就必須維持一定強度,大約係同健走(Brisk Walking)或踩單車差唔多。而一般人嘅做愛強度根本無法達到、維持喺呢個標準,所以如果係打算以「做愛」代替「運動」,結果就真係得個「做」字。

話雖如此,但兩位專家都肯定做愛對人體有益。佢哋指出定期做愛能夠增加體內「快樂賀爾蒙」如催產素、血清素,進而改善你嘅心情,減輕壓力與焦慮。另一個研究亦發現一個月做愛三次或以上嘅人,免疫系統會比做得少嘅人更好,減低感染疾病嘅機會。Cunningham醫生表示:「傳統運動方式依然比較好,因為佢能夠改善你嘅健康,而且一定可以針對你需要加強嘅肌肉及關節。結合心肺功能及體力訓練,以及其他生活方式嘅平衝方法,係維持健康嘅最好方程式。」

資料來源:Mirror

今年一月,日本著名拳擊手「井上尚弥」對上韓國選手「金藝俊」,並成功擊敗對手守住四條金腰帶。但當日台上除咗「井上尚弥」之外,其實仲有一個日本一樣廣受關注,而佢就係當日擔任舉牌女郎、我今晚要為大家介紹嘅「 ...
girls
【深夜】真.戰鬥力驚人 運動世家出身「森脇梨々夏」
06 Jun 2025
科技為人類改善生活之餘,通常都會帶來一啲需要時間適應嘅新麻煩。例如AI圖像生成咁,唔少人拎黎整J圖、甚至偷拍圖後,有人認為咁算係一個較為無害嘅渲洩手法,至少唔會真係女仔因而受害;但如果你對「係咪真人」有 ...
girls
【深夜】AI定係真人? 日本IG謎之美少女「ゆあ」
04 Jun 2025