「齊人之福」可能係唔少男人嘅夢想之一，但仔細諗下你就發現執行上其實有好多問題。例如你點樣安排自己嘅時間、體力，以達到「雨露均沾」呢？近日有個娶咗9個老婆嘅巴西男子，就接受傳媒訪問，透露佢係點樣「管理」同老婆們嘅性生活——簡單黎講，就係排更表。

圖片：arthurourso on IG

於IG上有超過20萬Followers嘅巴西網紅「Arthur O Urso」，過去曾多次因為佢最高峰同時有九個老婆而多次被傳媒報導。據佢接受訪問時透露，佢於2021年時與首位妻子Luana Kazaki結婚，成為佢唯一一位合法妻子，但由於兩人選擇開放性關係以「慶祝自由戀愛」及「抗議一夫一妻制」，所以Arhur O Urso就不停搵女人「加入」佢哋嘅家庭，最高峰時曾經同時有9個老婆。

不過齊人之福並唔易享，特別係點樣安排性生活方面就一直困擾住Arthur O Urso。佢話由於所有老婆都好想「用盡花法滿足佢嘅性需要」，所以早期時佢曾經用過預約制以分配時間，但好快佢就覺得預約制令上床變成「完成預約」，而非為咗兩性歡愉，所以好快佢又改返做「順其自然」，仲多次強調多妻性生活「非常快樂、愉快及獨特」。

圖片：arthurourso on IG

Arthur O Urso堅持指，佢啲老婆唔會介意某一位「姊妹」於床上特別受寵，但有時都會對於佢送禮物大細超產生妒忌。事實上佢亦承認其中一個老婆「Agatha」近日因為「想獨自估有我」未果而離開，「咁樣根本就唔合理，我哋所有人都要分享。我對於佢嘅離開感到好傷心，同時對於佢離開嘅藉口感到好驚訝。我其他老婆認為佢嘅態度唔正確——佢只係為咗刺激而唔係真感情。」不過佢就話目前未有打算搵其他人黎「替換」佢嘅位置。

資料來源：The Mirror