如果話睇開日本AV嘅人都認得「某個泳池」，咁睇開歐美AV嘅人就一定會認得「某張試鏡梳化（Casting Couch）」，又或者放咗呢張梳化嘅某個房間。日前美國德州就有位模型藝術家，以呢間房作為主題參加肯德基州博覽會舉行嘅模型比賽，原本係拎到第三名佳績，但好快就被主辦單位除名，反而引來各大傳媒報導，令到件作品更加有名。

Preston Poling嘅模型

真．The Casting Couch房間

先為「純潔」嘅大家提升些少背景知識。話說美國有個成人影片系列叫「The Casting Couch （試鏡梳化）」，當中嘅設定係男優「假扮」經理人邀請不同女生去到辦公室進行「試鏡」，然後威逼利誘對方…大家都明啦？反正整部作品都發生於一個白牆灰地毯、有張電腦檯加一張黑色皮梳化嘅房間之內，而且由於呢個系列頗為長壽而且有名，所以一眾歐美AV觀眾都對呢間房非常熟悉。

而別名「The Bearded Miniaturist」嘅Preston Poling，早前就整咗個「The Casting Couch房間」嘅模型去參加肯德基州博覽會嘅模型比賽。據Preston Poling指，整個房間連埋入面啲傢私佈置都係佢親手造出黎，而且非常著重細節，例如梳化上就有個「大家都懂」嘅屁股汗漬。而佢嘅作品除咗於各大社區媒體引起注意之外，亦令佢獲得比賽第三名，模型得以於博覽會展出。

在 Instagram 查看這則貼文

Preston Poling（@the_bearded_miniaturist）分享的貼文

但展出唔夠12個鐘，就有Fans向佢表示個模型唔見咗，Preston Poling一開始以為模型被偷，但帶埋警察去到會場之後，先發現原來係主辦方突然以「不合適（inappropirate）」為由將其模型撤走。主辦方更一度考慮褫奪佢所有獎項（Preston Poling有其他作品參加其他項目），好在經討論後獎項得以保留。

事後Preston Poling表示，「The Casting Couch房間」模型只係一個「諷刺性笑話（Tongue-in-cheek Joke）」，唔係笑緊評審、主辦方或任何，而係「你明就明，唔明就算」。亦透露主辦方要求佢將來「有少少敏感性，因為某啲嘢可能會引起爭論」。而佢就打算將來於個人工作室繼續展出呢件作品。