{ SKIP }
文:MenClub 魏文青  
POSTED ON 03 Oct 2024

黃子華曾經提出「鐵達尼極限」,亦即電影《Titanic》中Jack同Rose嘅愛情之所以咁刻骨銘心令人感動,係因為佢只係熱戀咗3日就遇到沉船,根本無機會令段感情進入「唔新鮮」嘅狀態。而近日一個兩性關係研究唔單止證實咗「鐵達尼極限」嘅邏輯,仲算出情侶分手嘅界線,或者會令大家對於點樣經營一段關係有所啟發。

卻說為咗了解兩性關係嘅長期變化,所以兩位來自德國嘅心理學教授利用美國加州自1971年開始嘅世代調查(Longitudinal Study of Generations)中嘅長期數據,再加能夠量度情侶或夫妻關係滿足度嘅「Gilford-Bengtson婚姻滿足度評分表」——即一系列如「你與你的伴侶過得很開心」、「你們對於某些重要的事有不同看法」等嘅問題——嘗試搵出有啲咩會影響滿足度,去到咩地步又會分手或離婚。

研究首先發現,普遍而言所有關係嘅滿足度都會隨時間而下降,而當滿足度跌到上述評分表嘅65%以下時,就係「分手界線」。換言之所有關係只要一開始就係一個「扣分」嘅過程,而關係嘅「開始分數」,以及關係之中扣分速度有幾快,就係左右關係有幾快到達「分手界線」嘅因素。

咁有咩因素影響開始分數同扣分速度呢?研究撇除年齡、喜好等個體因素之後,發現家庭中有小朋友嘅人,關係滿足度會較低;另外年輕人嘅「扣分速度」亦會比較年長者為快。更有趣嘅係,研究發現當某人經歷分手後開始一段新關係,新關係嘅「開始分數」,普遍會比上段一關係嘅「開始分數」高。但你又唔好以為不停分手、拍新拖就可以Chok出一個超高開始分數喎,事關研究亦發現分手後隔比較耐先開始嘅新關係,開始分數會分手後好快開始嘅新關係高。換言之分手後等一等、沉澱一下先搵新對象,可能係好事黎。

雖然呢個研究仍然非常初步,無法點出所有會影響開始分數同扣分速度嘅變數。但從中可以發現嘅係,感情其實係需要經營嘅,點樣令扣分速度減慢——又或以「鐵達尼極限」說法:保鮮——就係關係能否持續嘅關鍵之一。

資料來源:How relationship satisfaction changes within and across romantic relationships: Evidence from a large longitudinal study.

雖然「深夜系列」介紹得嘅都係廣義上嘅「寫真女星」,但實情上「寫真女星」之下仲有N個微妙嘅分類,例如有啲人只拍雜誌寫真,有啲人就會出寫真DVD;有啲人嘅尺度只係健康性感,有啲就咩都畀大家睇曬。而其中又以最後 ...
girls
【深夜】令和M字女皇「紅羽 祐美」 推全裸寫真集咩都睇曬
27 Oct 2025
唔知大家覺唔覺得,近年年輕人嘅打扮、舉止甚至思想都越黎越老積,似乎無咗我哋年輕時嘅嗰種青春、純真。如果你都懷念呢種感覺的話,咁你就可以多啲留意今晚介紹呢位「東条澪」,事關即使佢已經大學畢業,但仍然有住 ...
girls
【深夜】童顏童心大學生 日本社團美人「東条 澪」
24 Oct 2025