{ SKIP }
文:MenClub 魏文青  
POSTED ON 30 Oct 2024

啲人成日話麻甩佬淨係鍾意十八廿二嘅美女,但其實女士們又何嘗唔想自己永遠保持喺十八廿二嘅容貌呢?但你話女人過咗十八廿二就唔靚啦咩?又唔係喎!事關係日本媒體《Oricon》早前公佈一年一度嘅「女性最想擁有臉蛋」票選,頭十名中有一半係「三字頭」嘅女藝人,榜首嘅更加係「三到尾」兼做埋兩孩之母,證明靚唔靚同年齡無關——但好可能同個人有關。

第一名:北川景子

第二名:橋本環奈

第三名:新垣結衣

《Oricon》每年咁上下時間都會進行「女性最想擁有臉蛋」票選,顧名思義就係女網民最羨慕邊位女藝人嘅面蛋,換言之從中就可以知道日本女網民嘅審美觀。而日前公佈嘅結果,就顯示8月剛過38歲生日、今年年頭生咗第二胎嘅「北川景子」成功蟬聯冠軍。女網民盛讚佢又長又細嘅貓眼充滿魅力,而且唔同人亦同時用上「上品」(即係優雅)黎形容北川景子嘅面容。簡單黎講就即係雖然年紀唔細兼做埋阿媽,但天生自帶高級氣質搭救,依然足以令人稱羨。

第四名:今田美櫻

第五名:浜邊美波

第六名:石原聰美

第七名:川口春奈

第八名:中条あやみ

第九名:長澤雅美

第十名:綾瀨遙

而第二名就由今年跳升四位嘅「環奈BB」奪得,網民對佢嘅評價一言敝之就係「卡哇兒呢!」。而去年成為共同第一嘅新垣結衣就跌到第三,網民大讚佢善良、自然、可愛。頭十其餘名單為第四名嘅今田美櫻、第五名嘅浜邊美波、第六名石原聰美、第七名川口春奈。第八名則是新上榜嘅日本混血模特兒中条あやみ,而第九及第十就分別係另外兩位「三十代」女星長澤雅美同綾瀨遙。

資料來源:Oricon

日本寫真界有好多靚女無錯,但大部份都係有某一兩個位置可能係個樣啦、身高呀、上圍呀、腹肌呀、美臀美腿諸如此類特別搶眼,媒體亦大多會針對呢啲特色黎造文章。不過今晚要介紹呢位「本多もか」就唔同講法,縱觀日本 ...
girls
【深夜】由頭靚到落腳 完美外表「本多もか」
13 Oct 2025
各大廠商搵代言人,通常都係想營造一個「你用咗我嘅產品就會變成佢」嘅氣氛,亦即用明星嘅人氣帶動銷量;但對於安全套黎講,情況就好可能相反我無見過人因為明星代言而用某個牌子嘅安全套,反而有明星因為做咗安全套 ...
girls
【深夜】有前有後「安全」女神 透明感色氣「鈴木聖」
10 Oct 2025