{ SKIP }
文:MenClub 魏文青  
POSTED ON 29 Oct 2024

AV嘅主要觀眾係男性,大家嘅注意力當然係喺女優身上,而男優就會成為不可或缺、但又最好見佢唔到嘅存在。但喺呢個背景之下,依然有唔少男優成功突圍而出,甚至去到唔睇AV嘅人都知佢係邊個,例如號稱「AV帝王」嘅「清水健(しみけん)」就係其中之一。不過近日清水健就透露自己已經正式「封鳥」,引退唔做AV男優。

話說近年活躍於社交媒體及YouTube嘅「清水健」登上日本YouTube頻道「ダイノジ中学校【エンタメチャンネル】」,透露自己於今年4月就已經正式引退冇再做AV男優,而且唔會推出「引退作」。考慮到目前日本法規要求AV作品拍好後要等大約半年先可以正式發售,即係話清水健有份嘅最後一部AV應該會於近日推出,甚至係已經靜悄悄地發售。

清水健去年仲出過書添

「清水健」於訪問中提到,其實從去年10月佢已經開始慢慢減少AV工作。而令佢產生呢個想法嘅原因,就係佢睇到日本棒球名將鈴木一郎指自己到依家都覺得打棒球好開心,令佢反思自己雖然好鍾意做愛,但自18歲入行後,過去二、三十年都將「做愛」當成工作,已經開始感到壓力及厭倦,所以覺得係時候停落黎。

而台灣AV達人一劍浣春秋就提出另一個可能性。「劍大」指出口材出色嘅清水健近年透過經營社交媒體令身價水漲船高,甚至曾經有台灣廠商被佢高達8位數字(日元)嘅身價嚇退,顯示清水健已經唔再需要靠拍AV搵錢。再加上清水健自己亦講過搵佢拍攝嘅作品越黎越少,甚至要考慮去拍同人AV(即係FC2,明就明啦下),所以引退都算係順理成章。反正未來大家就唔會再見到呢位著名AV男優上陣肉搏,唔知各位又會唔會掛住佢呢?

資料來源:AVNO1

大家都知日本好山好水,所以日本女仔發育特別健全,所以理由上日本人就應該對好身材見怪不怪啦係咪?但今日要介紹嘅呢位寫真新星「沢美沙樹」,就被日媒稱為擁有「不尋常比例」嘅好身材,究竟要去到咩地步先會令日本 ...
girls
【深夜】不尋常的比例!寫真超新星「沢美沙樹」
21 Apr 2025
雖然話日本整體黎講都係一個治安良好嘅地方,但久唔久始終都會發生一啲罪案。而近日鹿兒島一間Family Mart(全家)嘅店員,就因為去年年尾於店內製服咗一名劫匪而獲得當地警察局頒發感謝狀,仲得到當地電視台訪問。 ...
thezone
【日本】全家店員製服劫匪獲感謝狀 案發過程相當荒誕引網民吐糟
20 Apr 2025