{ SKIP }
文:MenClub 魏文青  
POSTED ON 14 Nov 2024

日本職場嘅前後輩文化濃厚,作為後輩連同前輩講嘢都要小心翼翼,更惶論公開直接點名批評對方。不過近日AV界就發生咗單八卦,今年先出道嘅女優「白浜のぞみ」於社交媒體上,直接指控大前輩「明日花キララ」呃錢,甚至考慮報警處理;而台灣AV達人「一劍浣春秋」(劍大)就指出,事情似乎更關係兩人之間嘅私怨。

白浜のぞみ

話說今年2月於AV片商「Ideapocket」出道嘅AV「白浜のぞみ」,昨日於個人官方X(Twitter)上發文,表示自己被明日花キララ「詐騙」。從其帖文可以整理出,今年8月下旬時「明日花キララ」於Tiktok上舉行抽獎直播,而從出道初期就話自己係明日花Fans、而且特別鍾意對方嘅溫泉作品嘅「白浜のぞみ」就自稱當日用咗10萬Yen(約HK$5,000)參加抽獎,最終亦抽中咗明日花嘅抽獎T恤。但到依家超過兩個半月,仍然未收到件T恤不特止,仲從其他途徑得知明日花因為討厭佢本人,所以根本就唔打算送件T恤出去,亦唔打算退錢,甚至仲封鎖埋佢。

「白浜のぞみ」自己係明日花Fans所以先想擁有件T恤,但竟然被如此對待所以非常難過。留言處亦有人建議佢去報警,而「白浜のぞみ」就指出佢曾經向警方詢問過,而警方就建議佢親自去報案。換言之佢真係考慮過報警,只係未付諸行動啫。

明日花キララ

但問題係,點解於行業打滾多年嘅明日花,要咁樣對待一個無論地位及名氣都比佢低唔少嘅後輩呢?據台灣「劍大」報導,雖然明日花目前未有於社交媒體或其他地方公開回應指控,但網上流出嘅對話就顯示明日花非常唔滿意「白浜のぞみ」借佢上位,甚至認為對方於直播中抹黑佢乞Fans禮物、收錢去飯局,又或去做陪酒及陪外國客人過夜。對話中明日花明確表示自己唔想再聽到「白浜のぞみ」呢個人,仲收集緊對方誹謗嘅證據,未來或者提告。更重要嘅係,明日花表示自己已經寄出所有抽獎T恤,換言之根本就冇呃人錢。

所以,目前雙方係處於口同鼻拗嘅階段,誰對誰錯似乎未有客觀定案。唔知各位有咩睇法呢?

資料來源:AVNO1

由於參加、或者拎到獎就注定會於未來一段時間頻頻登上該雜誌,所以日本各大出版社舉行嘅寫真選美比賽素來寫真新人爭取曝光嘅大好機會,特別係幾大出版社主辦嘅比賽更係兵家必爭之地。但其實就算冇咁出名嘅比賽,都一 ...
girls
【深夜】四代目Miss SPA! 肉感艷麗「吉瀬結」
09 Jul 2025
相信唔少男士都認為,如果自己唔夠靚仔又唔夠有錢,咁最起碼應該要有副見得下人嘅Body先可以識到女朋友。但問題係點樣嘅body先算係「見得下人」甚至有吸引力呢?近日一個橫跨英國、中國以及立陶宛嘅研究‵,就整理出 ...
thezone
【兩性】最吸引的男士體型 新研究指微胖BMI先係皇道?
09 Jul 2025