{ SKIP }
文:MenClub 魏文青  
POSTED ON 15 Nov 2024

一般黎講,大家都會覺得年輕人血氣方剛,只要孤男寡女共處一室就好易情欲高漲——唔係政府都唔會叫大家去打羽毛球啦係咪?不過早前一個外國研究就似乎證明所謂「Z世代」嘅年輕人並無大家想像中咁「亂」:佢哋唔單止係眾多年齡層中單身率最高,而且做愛次數亦同老年人一樣咁低,甚至佢哋仲係最支持一夫一妻制嘅組別添!

過去我哋曾多次引述過嘅美國印第安納州大學社會心理學研究人員Dr. Justin Lehmiller,早前於交友App「Feeld」合作,進行咗一個探討「Z世代」(1997至2012年出生)兩性生活嘅大型調查。調查搵黎3,310名來自71個國家、年齡屆乎18至75歲嘅「Feeld」用家,並詢問佢哋對於性愛及兩性關係嘅態度、行為及經驗。當中就包括「過去一個月做過幾多次愛」等問題。

結果就發現,Z世代過去一個月嘅平均做愛次數僅約為3次,同1946至1964年出生、做得Z世代阿爺嘅「嬰兒潮人口」一樣。反觀Z世代嘅老豆輩(1965至1980年出生嘅X世代)以及佢哋嘅哥哥輩(1981至1996年出生嘅千禧世代),過去一個月平均做愛次五次。可見呢班廿尾到五十尾嘅成年人先係「做愛主力」。

同一時間,調查亦發現有高達一半Z世代報稱目前單身,遠高於不約而同地都係得1/5人單身嘅其他年齡組別。有人可能會話:啲後生淨係搞嘢唔拍拖架嘛,咪單身囉。但調查亦發現,Z世代支持一夫一妻制嘅佔比,係其他年齡組別嘅兩倍,換言之年輕人喺道德上比其他人更站得住腳。研究人員推測,年輕人支持一夫一妻制嘅原因,好可能係佢哋入世未深、感情經驗未夠豐富,所以唔會如成年人一樣發現一夫一妻制唔適合自己,又或希望尋求新嘅刺激。

資料來源:New York PostThe state of dating report: How Gen Z is transforming sexuality and relationships

雖然話日本偶像會踏足寫真界並唔罕見,但今晚要介紹呢位「雪村花鈴」就可能當中比較特別嘅一位。事關佢去到寫真界唔係拍下雜誌寫真、出下寫真集咁簡單,而係推出寫真DVD!仲憑住被比喻為「棉花糖」嘅軟嫩Body成為有 ...
girls
【深夜】前偶像女團轉戰本格寫真 棉花糖Body「雪村花鈴」
15 Aug 2025
過去唔少與兩性擇偶行為有關嘅研究都認為,所謂「具外表吸引力」嘅身體特徵,例如臉部左右對稱呀、男要有肌肉、女要有前有後等等,其實都係生育能力強嘅表徵,換言之大家想要「外表吸引嘅另一半」背後,其實係「想要 ...
thezone
【兩性】點解想搵靚仔靚女做長期伴侶?新研究指可能係因為你性欲強
14 Aug 2025