{ SKIP }
文:MenClub 魏文青  
POSTED ON 28 Nov 2024

早前同大家報導過,現役AV女優、自稱係明日花Fans嘅「白浜のぞみ」於X(Twitter)上公開指責女優界大前輩「明日花キララ」呃錢。當時台灣AV達人「一劍浣春秋」(劍大)就已經指出,根據事後流出嘅明日花Line對話截圖,可以睇得出佢同對「白浜のぞみ」本身就相當不滿,更似乎會有進一步行動。而近日明日花終於正式出手,於X上公開事件更多細節。而「白浜のぞみ」即立即公開道歉,可以話係完敗收場。

同大家回顧一下。當日「白浜のぞみ」指自己於8月23日明日花嘅一場社交媒體直播上課咗10萬Yen而贏得特別T恤,但就一直到11月中都收唔到份獎品,仲被明日花封鎖,所以於X上發文公開聲討對方。

而明日花近日發佈嘅回覆,就拎住「白浜のぞみ」嘅聲討帖文逐隻字黎回覆。明日花表示對方之所以一直收唔到件T恤,係因為佢從來都冇提交自己嘅郵寄資料,反觀其餘有提供地址嘅三名得獎者,最遲已於10月17日收到件T恤。換言之「白浜のぞみ」收唔到獎品純屬佢自己嘅責任。同時「白浜のぞみ」聲稱自己課咗10萬Yen(約HK$5,130),但明日花從系統調出數據之後發現對方當日只係送咗約2.2萬Yen(約HK$1,130)嘅禮物,所以帖文本身就已經有誇張失實嘅情況出現。

 

另外,明日花亦確認自己於11月3日起封鎖「白浜のぞみ」,原因則係對方不停散佈誹謗及中傷明日花嘅虛假情報。當中包括「嘲笑(明日花嘅)年齡及外型」、「虛構(明日花)於交際場所有金錢相關嘅交際活動」、「發表與本人無關的妄想文」、「發表充滿嫌惡感嘅帖文」、「擴散有關暴行的虛假消息」、「用小號不斷誹謗中傷」,以及「裝成Fans接近明日花以奪走其他Fans」。最後更揚言會採取法律行動追究對方嘅責任。

而從「白浜のぞみ」嘅回應睇黎,明日花係已經有實際行動。昨日「白浜のぞみ」於自己嘅X上發表公開道歉文,表示因為自己嘅過失,發佈有關明日花嘅不實資訊,對對方構成麻煩,並就此向明日花以及其Fans道歉。但同時佢亦指出事情已交由律師處理,所以佢無法進一步回應,換言之已經收到明日花方面發出嘅律師信。

就如「劍大」所言,如今嘅明日花已經唔係簡單嘅知名女優,而係一個知名藝人,所以擁有非常強大嘅後援團隊。考慮到明日花對於「白浜のぞみ」嘅反感,事情似乎唔會「高高舉起、輕輕放下」。睇黎「白浜のぞみ」今次係偷雞唔到蝕哂成缸米啦。

資料來源:AVNO1

一般黎講,我哋「深夜系列」係唔太會介紹啲真係啱啱進入寫真界嘅新人,因為佢哋作品非常有限根本就搵唔到咁多寫真靚相。不過今晚要介紹呢位「すずめ」就值得我為佢破例,除咗因為佢真係靚女之外,仲因為佢嘅出道寫真 ...
thezone
【深夜】出道寫真即成史上銷售冠軍 「すずめ」勢成寫真巨星?
29 Aug 2025
現在以「現役看護師みか」之名活躍於X及付費內容平台嘅前AV女優「堀內美香 (堀內美果子)」日前突傳死訊,一名自稱係佢老公嘅西裝男更於女方嘅X上展現出其骨灰盒及大頭相,搞到一眾Fans紛紛為其哀悼。點知時隔一日, ...
thezone
【日本】前AV女優自製假死新聞 一日後「翻生」只為宣傳付費內容?
29 Aug 2025