講起日本特攝片廠商，大家第一時間應該會諗起出過《幪面超人》、《超級戰隊》嘅東映，又或以《Ultraman（俗稱咸蛋超人）》系列起家嘅圓谷製作。不過近來有一個「新晉」特攝片商，憑住將自家製作嘅高質特攝片免費放上YouTube供人觀看而成為熱話——Well，一半原因啦。另一半原因呢，就係呢間廠，其實係AV廠商「GIGA」黎！

仕事から帰る直前に副店長から
「YouTubeに無料で観れる戦隊モノがあるから観て」
と言われ1話を一緒に観て、特撮もアクションも良く出来てて面白かったので凄いやんと感想を述べたら
「実は怪人に敗北したifルートのAV版がある」
と言われ
「なん…だと…⁉︎」
とリアルで唸った2024年最終日

— たまやん2nd (@tamayan2nd) December 31, 2024

ジンジュウガー最後まで観たけど終盤のバトルシーンが「本当になんでこれがAVなんだよ」と突っ込みたいほどかっこよかった… pic.twitter.com/zbQEocOMJe

— たまやん2nd (@tamayan2nd) January 1, 2025

話說日本繪師「たまやん2nd （@tamayan2nd）」於12月31日發文，表示當日臨收工前，工作地點嘅副店長同佢介紹YouTube上一個叫「ギガ特撮チャンネル（GIGA特攝頻道）」嘅頻道，話有免費嘅戰隊特攝片可以睇，於是兩個人就一齊睇咗其中一集，而正當「たまやん2nd」感嘆無論特效、服裝定動作場面都做得十分精良之時，副店主就同佢講：「其實佢仲有被怪人打敗後嘅if路線AV」，瞬間震碎推主嘅三觀。而呢個有趣帖文，亦令日本網民開始關注「ギガ特撮チャンネル」嘅來頭。

其實「GIGA」係一間成立於1995年專出「特攝片」主題AV嘅片商，當中大部份AV情節都係「戰隊女隊員被怪人打敗後慘遭凌虐」之類。但或者因為「特攝」先係佢哋真愛，所以自2021年佢哋就成立「ギガ特撮チャンネル」，推出雖然都係由AV女優主演，但就冇任何「18禁」情節、而且製作非常精良、正正經經嘅特攝片；另一邊廂，又會如呀副店長所講，推出「戰敗if路線」嘅AV，以滿足有志之士嘅生理需要。

AV版本封面

順帶一提，根據我完全係因為工作需要先進行嘅「研究」，即使係AV版本，該有嘅打鬥、變身場面依然都有，而且同樣維持高水準。正如「たまやん2nd」所講，真係會令人懷疑「點解會係一部AV黎呢？」