唔少日本女星，或者偶像成員都有出過個人寫真集，但出係一回事，賣得好唔好又係另一回事。而今晚要介紹嘅呢位乃木坂46成員「与田祐希」，就絕對係屬於賣得好嘅人，事關佢上一本寫真集竟然於2年半間重印咗7次，前前後賣出22萬本！究竟有咩感引到大家爭住買呢？

現年24歲嘅「与田祐希」成長於福岡市，自細就鍾意跑黎跑去嘅佢於初中時期加入網球部，又因為成個網球部都只有女同學，而佢哋又好鍾意偶像歌曲，耳濡目染令「与田祐希」都對偶像產生興趣，並於初中畢業後就走去參加乃木坂46嘅三期生徵選並成功入圍，於2016年正式出道，並於一年內佔據中心位置，成為隊內嘅台柱。2017年年尾推出嘅首本寫真集《日向の温度》就已經創下年度銷售榜第10、總計賣出10萬本嘅佳績。

而上面提到「重印7次」嘅，係佢於2020年推出嘅第二本寫真集《無口な時間》。銷售數字如此漂亮，固然有佢數年內人氣再進一步嘅影響，但更重要嘅係，寫真集推出之後，大家發現佢嘅上圍於幾年內亦有好大「進步」，由以往嘅正常大小變成肉彈級數，甚至有傳佢有進行過後天加工，反正就係充滿話題性，進一步推高寫真集嘅討論度及銷量。

值得留意嘅係，「与田祐希」早前宣佈會於2月22日舉行卒業公演後退團，而2月12亦會推出第三本個人寫真集《ヨーダ》。通常偶像成員退團後都會稍微放下偶像包袱，所以寫真集或者會比之前更有睇頭。所以大家都可以期待下佢新寫真會唔會有所突破！

IG：yodayuuki_oimo