無論係Elon Musk定係唔少科學家近年都曾經講過，人類目前面臨最大嘅滅亡危機唔係全球暖化、唔係全球核戰爭，甚至唔係小行星撞地球，而係大家都唔生仔。而隨住中國廠商「金三娃娃」即將推出新成人公仔，人類距離「滅亡」可能又近咗一大步。事關呢個新公仔加載咗AI公能，識講嘢、有記憶之餘仲識因應「主人」嘅行動而作出回應，亦即係同時提供生理價值以情緒價值。

據中國《藍鯨新聞》等報導，位於廣東中山、號稱全球最大矽膠公仔生產商之一嘅金三玩美(WMdoll)，於去年12月發佈新嘅「Metabox」系列公仔，於原本已經頗似真人嘅公仔之內加入ChatGPT及Llama等AI模型，令公仔能夠理解、分析「主人」嘅說話並作出回應。據報「Metabox」系列約售1500至2000美元（約HK$11,600至$15,500）左右，同時「主人」每個月要畀多100美金訂閱AI服務，否則公仔就會失去對話能力。

另外由於AI擁有記憶力，所以能夠記得「主人」嘅行為及性格而作出回應。據報佢會識安慰主人「沒關係，2分鐘也很厲害了」；而如果主人對佢態度好差嘅話，佢亦識得駁咀。

其他成人娃娃

而按淘寶上嘅「金三娃娃旗艦店」，其實佢哋目前已經推出一款「全矽膠仿真人智能機械人美女友老婆」，售價高達9780人民幣，即約HK$10,500左右。而按產品介紹，呢個公仔除咗提供…「正常」功能之外，仲有「控制智能家具」、「生活服務」及「DIY語音對話」三大AI服務，用家除咗仲可以加錢升級「聲音」、「加熱」、「植毛」、「站立」及「水潤下體」等功能。但應該同上述嘅「Metabox」有所不同。

資料來源：金三娃娃旗艦店