相信唔少人做嘢做到攰、或者意興闌珊之時都講笑話過「搵人包養算啦」。但近日一名澳洲Onlyfans（OF）網紅就唔單止咁諗，而且仲用一個非常出位嘅方法付諸行動——佢租咗架廣告車於悉尼富人區遊走公開招Sugar Daddy——結果就引起當地居民批評及投訴。

圖片：Reddit

圖片：https://www.instagram.com/shiannefoxx/

據《New York Times》報導，2002年出世，依家23歲（係唔多睇得出嘅）嘅澳洲Onlyfans網紅「Shianne Foxx」，近日用咗2000美金租咗架廣告車，並言簡意駭地寫上「你係咪又老、又有錢、又寂寞？我搵緊Surgar Daddy」標語並附上自己嘅IG及聯絡電話，然後就叫架車於悉尼富人區Mosman中遊走。

如此露骨嘅廣告自然引起當地居民反彈。據報已經有至少一個人就向當地政府投訴，而相關政府部門亦正審視廣告有否違反任何規定。當地居民亦於Facebook群組上批評廣告「低級」、「不當」、「可悲」、「可恥」；亦有人話自己個7歲小朋友大聲讀個廣告出黎之後問佢句嘢點解。

圖片：https://www.instagram.com/shiannefoxx/

但「Shianne Foxx」本人就對上述批評嗤之以鼻：「老實講，呢班友只係討厭自己份朝九晚五工作咋嘛」、「我今個月喺OF上賺咗十萬蚊，即係我一個月賺咗佢哋一年人工」。另外佢亦指出廣告成效相當好，於短短幾個小時內就已經收到200個聯絡訊息，但佢亦都唔係「隨便」嘅人，「有人問係咪可以上床定咩，但佢哋唔貼張戶口結算截圖畀我，我連嘢都唔同佢哋講。」

資料來源：New York Times