雖然話日本係AV大國，唔少AV女優亦已經有網紅甚至明星級嘅待遇，但其實日本國內有唔少人仍然視AV女優為「下等人」，甚至認為佢哋係「污糟」嘅。好似近日X上一位即將結婚嘅日本小網紅，就因為三上悠亞著咗佢準備租黎拍婚紗相嘅婚紗出席活動而發文狠批店家，引起網民熱議，該名網紅後續更暗示AV女優就係下賤嘅工作，令事件進一步「炎上」。

在 Instagram 查看這則貼文

三上悠亜　Yua Mikami（@yua_mikami）分享的貼文

話說三上悠亞上週末更新IG，表示自己出席德山賽艇嘅客席舞台，而且仲玩得好開心，並配上佢身穿一件頗有設計感白色短裙嘅美照。而於X上有萬令Fans嘅日本網紅「nou」（@nou_beau）睇到啲相之後，就於X上發文表示：「我已經租好，用黎拍婚紗相嘅衫被AV女優著去出席活動，真係最糟糕嘅事」，並表示自己「如果知道店家會租條裙畀AV女優，就唔會幫襯佢哋啦。」

後續佢更加表示：「如果只係普通裙，我唔介意邊個著過。但一間婚紗店竟然將婚紗借畀AV女優參加活動，真係令人匪夷所思。我點解要於一個陽光燦爛嘅日子，同嗰啲將自己性器官曝露於全世界前嘅人著同一條裙？」

由於「nou」用字非常激進，而且充滿對AV女優嘅貶低，再加上貶低對象係非常出名嘅三上悠亞，所以事情好快就成為日本網絡熱話。直到撰文為止，最初嘅帖文已經有近1.5億次觀看、16萬個讚好、三千幾個留言。

国内の後撮りで着ようと思ってたドレスをAV女優がイベントで着てて最悪
このドレスはとあるスタジオのオリジナル衣装だからここでしか着られないし、本当に楽しみにしてたから靴とか小物自分で揃えてコンセプトも練ってたのに
AV女優に貸すって知ってたら契約しなかったんだけど〜どうしよ pic.twitter.com/X12CsOAcVw

— nou (@nou_beau) July 27, 2025

「我準備於國內拍攝穿的婚紗被AV女優於活動中穿了，這是最糟糕嘅事。這是工作室的原創服裝，所以只有這家店有，我真的很期待，還準備了自己的鞋子及配飾。如果我知道他們會租給AV女優，我就不會租了，現在該怎麼辦？」

圖片：截圖自@nou_beau

圖片：截圖自@nou_beau

圖片：@nou_beau

「nou」及後亦多次發文反駁其他網民嘅意見。例如有人批評佢自己都整容、拋頭露臉做網紅，本質上同做AV無咩分別，「nou」就反駁指「露臉同露性器官係兩樣嘢」；亦有人搬出「職業無分貴賤」嘅大義作理據，「nou」就充滿諷刺地回答：「有人話職業無分貴賤！咁我咪反問佢，如果佢老婆、佢阿媽、佢未婚妻或者女友，喺AV到用口接過大叔嘅體液，咁佢係咪都仲支持佢呀？佢話『咁係兩回事，我依家單身』喎，唔好雙重標準啦！」、「如果你話咁係職業歧視，咁你就出去同人講：『我唔介意我老婆拍AV』囉！」

私は職業選択の自由のもと何になろうが勝手だと考えてるし、件の発言はウェディングとは無関係のシーンと人間に貸し出したショップにキレてるのでそもそも職業差別だと思っていない　
職業差別だと論いたいなら「はい、妻がAVやってても一向に構いません」って言いなよ

— nou (@nou_beau) July 28, 2025

「有人說職業無分貴賤！那我別反問他，如果他老婆、他媽媽、他未婚妻或女友，在AV到用口接過大叔的體液，那他是不是也還支持她呀？他說『那是兩回事，我現在單身』，我真的哭了，標準一致好嗎？」

「我認為在職業選擇的自由下，想做什麼就可以做什麼，我的發言是對店家將裙子出租予與婚禮無關的場景和人物感到憤怒，不是職業歧視。如果你想辯說這是職業歧視，那就說『是的，我不介意我太太拍色情片』。」

圖片：截圖自@nou_beau

但或者係因為事情越黎越大，網民嘅批評亦越黎越激烈，近來「nou」嘅態度亦有所改變（你可以話佢笠水啦）。29日時佢於X上發表長文，指自己被斷章取義，佢唔係認為「件衫被我唔鍾意嘅人著過就有問題」，而係認為間鋪明明係租婚紗嘅，仲話「會為你人生嘅重要時刻上色」，結果就借件衫畀AV女優出席賭博活動（賽艇），係貶低咗件衫嘅意義，無考慮到佢哋對其他人嘅承諾。簡單黎講，就即係由日前不停將「性器官」掛喺嘴邊，變成「唔係結婚又著我件衫就唔係咁好囉！唔關佢係唔係AV女優事囉」。

所以話俗語講得啱，對女人最Harsh嘅，永遠係其他女人。