{ SKIP }
文:MenClub 魏文青  
POSTED ON 03 Oct 2025

過去好多兩性擇偶研究都指出,「溫暖感」及「可信」係理想伴侶嘅最重要條件,但你有知唔知道應該用咩方法展現呢兩個特質,先可以吸引到女性?近日一個中國嘅研究就發現,比起用口講甜言蜜語,女性更偏好用做家務、煮餐飯黎表達愛意嘅男人。換言之愛呢家嘢唔係靠「講」,係靠「做」㗎!

圖片:ImageFX

卻說來自重慶西南大學嘅「Xing Shu」及「Jianmin Zeng」為咗了解日常小動作對擇偶行為嘅影響,所以搵黎超過500名異性戀成年人進行咗一系列實驗。第一個實驗中,參加者被要求先幻想兩個分別用甜言蜜語、又或幫手洗衫等日常小動作表達愛意嘅異性,隨後就要為呢兩種行為嘅吸引度。第二及第三個實驗就向參加者展示兩個虛構嘅人物介紹,一個擅於甜言蜜語,一個擅於甜蜜行動,參加者要從中選出一個佢哋更希望發展浪漫關係嘅人。

結果就發現,女性於三個實驗中,都傾向選擇用甜蜜行動表達愛意嘅異性,而男性就無明顯偏好。同時研究亦發現女性認為用甜蜜行動表達愛意嘅異性更有「溫暖感」及「可信」嘅特質。換言之,甜蜜行動令女性覺得你更溫暖及可信,於是更偏好與你開始長期關係。

圖片:ImageFX

研究指出,以進化論嘅角度而言,女性嘅理想伴侶係一個有能力、意圖去照顧、保護佢及下一代嘅男性,所以特別著重「溫暖感」及「可信」等特質,同時亦對展露呢類特質嘅行動更加敏感。換言之,就即係女性嘅天性話佢哋知,甜言蜜語可以齋講唔做,但甜蜜行動做咗就係做咗,所以就更加實際地偏好甜蜜行動。反之男性就無相應嘅考慮,甜言蜜語對我哋黎講亦係直接及容易理解嘅獎賞,所以就唔會有特別偏好。

資料來源:Who Favor Sweet Actions over Sweet Words More – Females or Males?

講起大家細個睇嘅兒童節目,大家最有印象嘅大概都係主間播嘅卡通,然後就係譚玉瑛姐姐,再唔係就係蓋世寶甚至係「認字特警」,好少有人會記得啲大人主持隔離其實仲有一班童星主持,而你更唔會知嘅就係佢哋長大之後究 ...
girls
【深夜】23歲13年經驗 兒童節目小主持「渡辺優奈」
29 Sep 2025
大家仲記唔記得2000年嘅你做過啲咩?啱啱出黎做嘢?仲讀緊書?定好似我咁仲係一隻小學雞?25年過去,係咪覺得今時今日好多嘢都唔同咗?但有一樣嘢係仍然無變,就係25年後嘅今日你打開日本寫真界新聞,仍然會見到出道 ...
girls
【深夜】出道25年實力仍然堅挺 41歲「磯山さやか」發放餘熱!
26 Sep 2025