日本寫真界有好多靚女無錯，但大部份都係有某一兩個位置——可能係個樣啦、身高呀、上圍呀、腹肌呀、美臀美腿諸如此類特別搶眼，媒體亦大多會針對呢啲特色黎造文章。不過今晚要介紹呢位「本多もか」就唔同講法，縱觀日本媒體、網站對佢嘅評價，真係由頭讚到落腳，似乎佢全身上下都無瑕疵咁！

現年18歲，今年3月先高中畢業嘅「本多もか」，早於2023年即係佢16歲左右，就已經以11期生身份加入名古屋歷史悠久嘅女團「dela」出道。除咗偶像事業之外，身高168cm、擁有一對白滑大長腿嘅佢亦早早加入賽車女郎界，成為現今賽車場上最年輕、最搶眼嘅賽車女郎之一。步入18歲後佢更努力參加攝影會等活動開拓寫真市場，即使目前尚未於各大知名雜誌現身，但就已經累積一堆水著Fans。相信到佢正式寫真出道之時，必然會成為話題。

而「本多もか」之所以咁受歡迎，外表自然係最重要因素。嗱我唔直接形容佢究竟有幾靚，而係列出日本傳媒報導佢時嘅標題關鍵字，等大家感受一下佢點樣被人由頭讚到落腳呀下。首先有「今年絕對會紅的高校生」啦、「高身長」、「美肌」、「細身巨乳」、「美body」、「美腳」，而且因為佢只係啱啱18歲，所以甚至而有「背德感」、「危險美」等字出現。總之就讚到天上有地下無。睇佢呢個人氣，相信好快就會雜誌邀請佢拍寫真，到時大家就可以更仔細咁欣賞佢有幾靚啦！

IG：dela_moka