大家見到生得靚嘅人時，總係會幻想佢哋成世人都過得順風順水，好似生得靚就自帶運氣加成一樣。但今晚要介紹呢位日本女團成員「水瀬さらら」雖然人生得靚，但靚樣似乎就無為佢帶來好運，甚至佢話自己由細到都係不幸美少女添呀！

現年25歲嘅「水瀬さらら」細個時因為照顧細自己十五年嘅姪仔而對照顧小朋友產生興趣，所以佢本來打算係大個去做保育士。但由於佢份人實在太過粗心大意，父母知道後狠狠吐糟：「你自己都湊唔掂，點湊其他小朋友呀？」於是佢打消呢個念頭，後來輾轉於2020年，以「神城さらら」之名作為名古屋女團「ぼくはまだしなない」創團成員之一出道。

不過活動咗兩年半左右，佢就於2022年6月宣佈退團，並於同年年尾加入依家嘅團體「Jams Collection」，並因為其出色顏值被封為隊內「最強門面」。近年亦順理成章地加入寫真界發展。

咁點解會話佢係不幸美少女呢？事關佢接受訪問時提到自己去到邊都會發生各種狀況，單單係今年就已經有食完燒肉後唔記得除件即棄圍裙，直到於澀谷街頭條圍裙被風吹起先發覺；夏天著好哂浴衣想去睇煙花大會，結果開始五分鐘就取消；仲有中國App偷用佢嘅相做宣傳等等。

佢係咪好「不幸」我就留待大家自己判斷，但睇到佢呢個靚女拍寫真畀大家睇，就應該係你同我嘅幸運啦！

IG：minase_sarara