可能因為夏天天氣熱，大家都著得少布；又可能因為夏天天氣熱，大家都慶烚烚......所以當少布遇上慶烚烚之際，就好容易擦出火花，造就一段段夏日戀情。不過本身單身猶自可，如果你本身已經有愛侶，但又同其他人過電，呢段戀情，就會變成一段夏日禁忌之戀。

事實上，夏天係咪真係會令人特別容易出軌呢？日本就有網站針對1666位男女進行「夏日禁忌體驗」調查，望下幾多人喺夏天試過曳曳先！

根據調查，男女各有一成人都試過喺夏天有禁忌體驗，即係每10個人就有1個人中招，都唔少喎！

喺呢一成嘅男女當中，有「夏日禁忌體驗」比例最高嘅竟然係2字頭嘅女性！足足有（14.5%），即係每7個人當中有就1個有過經驗，睇嚟而家嘅後生女真係非常饑渴，比同世代嘅男生更容易衝動做錯事喎！

至於男性，出乎意料，唔係愈後生愈有幹勁，竟然係叔叔最愛出軌？大概叔叔們都太耐冇激情了……

咁究竟大家嘅「夏日禁忌體驗」係點架呢？睇睇男性先︰

1位：不倫、偷食
2位：一夜情、搭訕
3位：打野戰

咦？打野戰原來都算係禁忌體驗？咁香港都應該好多人中喎。

至於女性又點呢？

1位：一夜情、搭訕
2位：不倫、偷食
3位：旅行時發生短暫關係