現代很多酒吧、餐廳，掛上東瀛招牌，賣很日式的食物，但原來從老闆至廚房，無一個人同日本有任何關係，這種中伏的經驗，香港人最清楚不過。今次介紹俾大家的這間Sowelu，老闆兼大廚中村光成都是貨真價實的日本人，而且幾乎所有時間都在店內工作，不是那種神出鬼沒的幕後投資者。Sowelu在銅鑼灣鵝頸橋附近，鬧市地帶，但因為是樓上舖加無招牌，識上去的都是圍內熟路的日本人。

Sowelu屬於小店規模，Indoor只能坐幾檯客，計埋樓下Outdoor位都只能容納幾十人，人少少加上環境優雅，可於店內Hea得很舒服。小店主打Dinning Bar Concept，因為中村先生認為，日本人放工後，食飯與飲酒的地方通常分開，結果一晚可能要走兩至三場，咁麻煩的話，為何沒有一處，既能食到好嘢，又能飲到靚酒的地方呢？ 結果Sowelu就應運而生了，Menu主食的選擇非常多，雞尾酒、日威、蘇威等Whisky都一應俱全，全晚可以輕鬆直落，不必轉場。

必食的Sowelu 自家製，每日限定15份的虎徹拉麵 / 一徹拉麵 (鹽味及醬油味) HK$98

每日限定15份的Sowelu自家製拉麵。濃厚重口味的虎徹，用使用雞骨與10種蔬菜打勻成為超濃郁的雞湯，質地較為稠身而味道鮮甜。喜愛淡味、清徹的則可揀一徹拉麵。兩款拉麵均配搭廣島縣溫泉蛋，與低溫烹煮幾十小時製成的鹿兒島縣產黑豚肉日式叉燒，質感爽滑且肉味濃郁，老闆更秘密地透露，單是這兩塊黑豚肉叉燒已是貴嘢，每日15份拉麵是賺不了多少錢的！

Sowelu自家製漢堡扒 HK$108

魷魚一夜干HK$48

既然是 Dining Bar，送酒小食又點少得呀！日式居酒屋的常見小食，意思係將鮮魚變成魚乾，將鮮甜轉化成鹹鮮味，是來自日本北海道的料理。但Sowelu的自家製版，是把鮮魚處理乾淨後，浸泡於高濃度的鹽水內，再把魷魚頭切碎再加以醃漬成為餡料，風乾一個晚上而製成。有餡的魷魚一夜干，鹹香味極！極！極！重，入口久久不散，佐酒一流呀！

順帶一提，Sowelu 的特製日式炸雞 (HK$88) 都很正，這個炸雞的份量，絕非小食，每件雞都好大嚿，一碟隨時可以食飽一位男士。Sowelu的炸雞絕對是城中一絕，是真正在日本食到的味道！老闆先以自家調配醬汁醃製雞肉一天後，等客人落單後，即炸即上檯。經自家製醬汁醃製後的雞肉份外入味，同時保留了雞肉原有的肉汁，外脆內軟，又是每次必點！

酒水方面，作為日式的Dinning Bar，當然有一定的日本威士忌，如余市、山崎、竹鶴等等，應有盡有，值得一讚的是，酒櫃上竟然有已絕版的Glenmorangie蘇格蘭威士忌，明顯老闆是有品味，又有心豐富店內的Collections。銅鑼灣嚟講，Sowelu Whisky List價錢不算貴，而且他是香港暫時唯一有齊咁多隻麒麟Frozen Beer的酒吧，獨家口味：士多啤梨、黑加侖子、椰子、薄菏、蕃茄、姜味，OK，坦白講有啲味係中伏的，大家自己試。Cocktail方面都唔錯，幾款消暑一流 :

Hojicha Cooler HK$118

使用日本焙茶及冧酒加上新鮮梨子調製而成的雞尾酒，味道既甘甜又清爽。

Shiso Cooler HK$88

使用紫蘇酒、伏特加、薑酒調配而成的雞尾酒。日本客比較受落。

Sowelu
地址：銅鑼灣駱克道447-449號中威商業大廈5樓
電話：2766 1171
營業時間：星期一至五5PM – 2AM，星期六7PM – 2PM，星期日及公眾假期休息