威士忌酒力雖強，但勝在風味變化多端，能夠配襯中式佳釀的獨特重味、油膩個性。早幾年已經有人開始用Whisky打邊爐，夾唔夾我唔敢講，因為火鍋湯底配料有好多種，但日前中環潮廳推出的潮洲菜 + 蘇威Pairing Menu就真心正，你估唔到滷水的鹹香，手打魚蛋湯的鮮味，川椒的香辣，可與威士忌如此匹配！只能夠講行政總廚張林波師傅有高超手勢，同時亦要Diageo Reserve Portfolio夠高質先做到這個效果。未食過不要緊，我們立即來個預覽：

滷水鵝肝、豬手拼盤 feat. Glenkinchie 12年

潮廳開業前，張師傅用整整一星期熬製靈魂般的滷水汁，才能做出極之入味的滷水菜式。滷水鵝肝選用肥美的汕頭獅頭鵝，入口即溶、齒頰留香，配來自Lowland的Glenkinchie 12年更是美妙！威士忌散發芬芳的雲尼拿、花束香，有俐落的烤燻味道，是忌廉般順滑；新鮮柑橘的香氣與鵝肝配成一對，兩者口感極之柔滑，味道亦變得更有層次。

普寧炸灌章、自家製蝦蟹棗feat. Dalwhinnie 15年

潮洲菜多香口煎炸小食，例如這道古法灌章，配上蘇格蘭最高的威士忌廠Dalwhinnie，又是一次奇妙的配合。炸灌章惹味而帶香甜，Dalwhinnie 15年又具有順滑的口感與蜜糖的甜美，兩者味道相互糾纏，變化更為豐富。

其餘菜式包括紫菜手打魚蛋湯配Glenkinchie 12年；香煎九肚魚酪配Cragganmore 12年；川椒龍鳳球配Singleton 12年；金華四寶蔬；沙茶牛肉炒河粉配Oban 14年，最後來一個甜品糕燒甜孖寶，襯Lagavulin 16年，相信你都估佢唔到。

不過你問我的話，以上Pairing屬餐廳建議，做食客如果有心想試新配搭，不妨自己留返杯酒至下一道菜，可翻轉頭做比較；或直接向餐廳要調轉Pairing，可能有更多驚喜 (要視乎潮廳的Policy了)

潮廳
地址 : 中環皇后大道中9號嘉軒廣場2樓The Galleria 222號鋪
營業時間 : 12:00 - 15:00; 18:00 – 2230
電話 : 2526 8798