大家去睇下個價越黎越高就知日本威士忌近年有幾熱賣，但即使個價再高都阻唔到大家追住黎買，咁會發生咩事？答案就係冇得買！

有「日本威士忌之父」之稱嘅竹鶴政孝先生於1934年創立Nikka威士忌，旗下有余市、宮城峽兩大蒸餾廠，出產「余市」，及以竹鶴政孝先生為名的「竹鶴」等日本威士忌，於威士忌界佔重要一席，真係未飲過都一定聽過。但如果你想試下「竹鶴」嘅味道，未來就可能會越黎越難。事關Nikka最近宣佈竹鶴Pure Malt 17、21、25年即將於今年3月尾停售，換言之整個系列只剩一款冇標明年份的竹鶴Pure Malt。