近年Gin酒冒起，其中來自德國黑森林嘅Monkey 47被稱為口味最複雜嘅Gin，近日更與世界自然基金會 (WWF) 合作，推出六款猿猴特別樽，收益全數捐畀WWF。

要知道Monkey 47點解會「Monkey」，又點解要出六款猿猴酒樽，就要由品牌歷史講起。卻說二次大戰後英國軍人Mongomery Collins到德國協助修復柏林，並以個人名義重建柏林動物園，又認養一隻叫Max嘅猴子，離開軍隊後佢去到德國黑森林地區開酒館，由黑森林有豐富天然材料，所以決心研究自家Dry Gin。

時光飛逝，到2008年時Alexander Stein黑森林一間蒸餾廠中發現一箱名為「Max the Monkey Schwarzwald Dry Gin」嘅酒，以及Collins嘅手稿。Alexander於是搵黎白蘭地蒸餾師Christoph Keller，以Collins的手稿再加明查暗訪，終於研究出有47種原材料嘅配方，亦即今日我哋知道，擁有多層風味，酒精濃度高達47%嘅Monkey 47。

睇完故仔，你應該了解到「Monkey 47」唔係得個名同Monkey有關，適逢今年為品牌10週年，於是就希望這六款分別印上瀕臨絕種猿猴 (西部大猩猩、婆羅洲猩猩、長鼻猴，羅洛⾱猴、 米爾頓猴和金獅面狨)嘅特別酒樽可以喚起人類對靈長類動物嘅責任心。值得留意嘅係呢六款酒樽係「空瓶」，以寓意好酒終會飲完。換言之如果大家想支持WWF之餘又有酒飲，就要另外買啦。