Timex嘅「Q Timex」系列，係重溫70年代石英 (Quatz)錶為腕錶界帶來翻天覆地改變時嘅系列，而Q Timex最新推出嘅，就有非常經典嘅80年代電子錶Digital LCA。

Digital LCA嘅外貌同原版非常相似，保留數字時間顯示同電子指針顯示，亦有日期、星期顯示，計時、鬧鐘、倒數計時等功能，最復古嘅就係回到品牌使用INDIGLO背光之前嘅設計，用一個喺側邊嘅小燈泡作為背光。錶殼錶帶物料就用上不鏽鋼，有普通鋼色同金色可供選擇。與其話你用149美金係買隻錶，不如話你係買一份可以戴上手嘅80年代復古感覺。