{ SKIP }
文:MenClub 魏文青  
POSTED ON 26 Oct 2021

要數IWC最著名嘅腕錶系列,Pilot大概當之無愧,而Pilot之下又有多個子系列,其中最引人注目的,當然是由2007年開始與「美國海軍戰鬥機武器學校 (SFTI)」合作生產的「Top Gun」系列。其後Top Gun家族一直增員,最新就加入兩款以功能主導、用上瓷化鈦金屬 (Ceratanium) 嘅新款式。

顧名思義,瓷化鈦金屬就係結合陶瓷與鈦金屬嘅優點,簡單黎講即係又輕、又硬、又抗刮、又防蝕、仲唔會搞到你敏感,而且因為瓷化鈦金屬本身就係黑色,所以唔需要任何塗層就能製作出純黑色嘅腕錶。而今次推出的兩款腕錶都用上瓷化鈦金屬錶殼,其中46mm嘅Pilot's Watch TIMEZONER (型號IW395505) 嘅賣點在於刻滿24個世界各地城市的錶圈,只需輕輕轉動,時針、24小時顯示、日期等就會自動調整為該區設定,就算跨越換日線都依然分毫不差。黑色錶盤襯上灰色數字,其中3、6、9、12有夜光功能。內裏則是IWC自家82760機芯,配上陶瓷零件嘅比勒頓上鏈系統能提供60小時動力。限量500杖。建議零售價HK$136,000。

另一款則係屬Big Pilot型號嘅萬年曆腕錶 (型號IW503604),除咗錶殼用上瓷化鈦金屬外,就連錶冠、錶鏈等都用上,所以錶鏈比精鋼輕30%。整體同樣採用黑灰設計。IWC自家52615機芯同樣配陶瓷比勒頓上鏈系統,提供7日動力。

萬年曆功能方面,IWC指腕錶內嘅機械程序識得自己分不同月份長度及閏年,每晚自行推動日期轉換,只要隻錶Keep住有動力,去到2100年都唔需要再調較日期。同時腕錶亦有IWC特色之一嘅月相顯示,同時展示南北半球月相,而且準確到577.5年之後先需要再調整。限量150枚,建議零售價HK$378,000。

PANERAI與海洋有不可分割嘅聯繫,所以推出嘅腕錶一向都以「堅固」、「防水」、「軍事」等元素為主,「複雜計時」就非大家諗起佢時第一樣會聯想到嘅嘢。但大家諗唔到,唔代表佢做唔到。PANERAI近日就新推出兩款「複雜 ...
watchesandwine
【腕錶】PANERAI 新出兩款 Luminor Chrono 飛返計時腕錶
01 Dec 2021
正常嘅11月尾,大家應該計劃緊聖誕去邊度玩、Book邊個場同朋友們開Party狂歡。但以目前香港嘅「防疫規例」黎睇,相信絕大部份人最後都只能選擇喺屋企聚下。而如果你想喺屋企開Party都有出去玩嘅樂趣,或者就可以考慮 ...
watchesandwine
【佳釀】聖誕Party必備 香港品牌推瓶裝雞尾酒禮盒
26 Nov 2021