1960年代乃係美國汽車工業嘅輝煌時代，Chevrolet Corvette、Ford Mustang、Shelby Cobra等經典名車按連推出。見證見代人生活模式改變嘅時任Breitling掌舵人Willy Breitling，亦乘勢推出「Top Time」系列腕錶，吸引「年輕有為的專業人士」。而品牌於2021年結合來自60年代嘅Ford Mustang、Chevrolet Covrvette、Shelby Cobra等經典美式跑車，推出「Top Time 經典汽車系列」而大受歡迎，今年除咗更新原有款式之外，仲加入另一名車「Ford Thunderbird」。

更新後嘅「Top Time」系列，保留41mm大小、精綱錶殼、亦方亦圓嘅「Squircle」小錶盤設計、以及因應不同名車主題而改變錶盤顏色嘅特點。外觀上嘅最大改變，為於錶盤正中加入一條較為深色嘅線條，以模仿跑車車身上常有嘅「Go Fast Stripe」，同時錶盤外圈嘅測速計刻度亦有所更新。

其中今年新加入嘅「Ford Thunderbird」款式，參考當年車身上嘅白色，用上純白錶盤，於測速計刻度、秒針以及小錶盤指針用上對比鮮明嘅紅色，簡潔之餘亦非常型格。

而另一個最大更新，就係用上獲瑞士官方天文台（COSC）認證嘅品牌自製 「01型」自動機械上鏈機芯，機芯提供約 70 小時的動力儲存，配合錶殼防水能力提升至100米。同時錶底亦換上鏤空藍寶石水晶底蓋，令大家可以欣賞機芯嘅打磨工藝。另外腕錶亦可選配穿孔皮帶或Milanese mesh編織鏈帶。