Michel Portos 係米芝蓮2星猛人，擁有超過30年炮製法國地中海菜嘅經驗，2012年佢更被Gault Millau指南封為「年度大廚」，今次嚟到香港尖沙咀 ÉPURE，做短短3日嘅Special Menu，梗係唔可以放過佢啦 !

Michel Portos

Menu開首由Déclinaison de carottes (古種甘荀)、Jambon beurre cornichon(火腿、牛油、黃瓜)，仲有 Chef Portos 主理嘅Bouillabaisse miniature (來自法國海岸嘅傳統普羅旺斯燉魚) 打頭陣，幾款菜式看似簡單，但食落口嘅時候又有令人驚喜嘅豐富味道，所謂個頭開得好，已經係成功嘅一半。

l’huitre Gillardeau grillée croquante 生蠔

Langoustine royale rôtie

緊接兩款Appetizer，第一款 l’huitre Gillardeau grillée croquante 生蠔，由法國 Gillardeau 家族生產，翠玉瓜、蘋果等配料增清新口味，最不得了係個醬汁 :「huilerie Beaujolaise」檸檬醋加手工油，走日式風格，爽快嘅酸度同生蠔嘅新鮮配合得天衣無縫。葡萄酒方面，Chef 選用咗 Andre Clouet Silver Grand Cru Blanc de Noirs Brut Nature，一款NV嘅香檳，Pinot Noir 擁有嘅複雜性，好啱配合清新嘅海洋氣息。而另一款 Langoustine royale rôtie 會上配 Domaine Turenne 2014，大家可以感受隻巨型烤大蝦與葡萄酒混搭嘅化學作用。

Andre Clouet Silver Grand Cru Blanc de Noirs Brut Nature

Domaine Turenne

主菜之前，仲有Consommé de pomme de terre brulée & truffe noire，係一款binje薯仔配冬日黑松露嘅清湯。

Consommé de pomme de terre brulée & truffe noire

Rouget, artichaut, vinaigrette poutargue, très vieux balsamique

第二款係法式羊三味Pieds paquets 2016，一道以羊肉、蕃茄、白酒、香橙同法國Espelette辣椒精製而成嘅特色料理，最深色嘅一件係羊肚，羊騷味濃郁迷人、香蒜調制而成嘅醬汁為味覺帶嚟強烈嘅衝擊。要配呢啲咁激烈嘅菜色，必需要揀味道豐盈、具美妙單寧仲要成熟嘅紅酒。Chef揀咗Château de Caraguilhes Solus 2013，呢款酒以Mourvèdre、Shiraz等味道濃郁嘅葡萄混釀，黑莓、漿果、皮革、香料味重而豐富，細意品嚐仲有輕柔嘅雲尼拿香甜，搭埋超級Muscular嘅羊肉，就更加剛中帶柔，非常出色。

Pieds paquets 2016

Château de Caraguilhes Solus

最後嘅甜品雖然唔算話好大驚喜，但因為我好鐘意食甜嘢，所以都俾得幾高分。Calisson清新輕盈、la tropézienne kumquats以香橙、杏仁、蜜瓜精製，甜度適中，入口非常舒服。最後一款葡萄酒係 Chateau De La Roulerie Coteaux Du Layon 2013，Sauvignon blanc 同 Semillon 嘅混釀，香甜來自其成熟嘅水果、少少嘅薑味香辛令到呢支酒嘅層次更為豐富。

Calisson、la tropézienne kumquats

8 Courses Special Menu : $1,988 person
Wine Pairing, 5 glasses : $788