品酒嘅世界，人人口味唔同，我就比較鐘意花香、果香味重嘅作品，甚至品嚐苦澀酒液嘅時候，都會追求僅有嘅一絲回甘，猶如從苦痛中尋找快樂嘅人生，C’est la Vie。

2015 Edition 玩 Rare Fruit Character

Dr. Jim Beveridge

Private Collection意指品牌首席調酒師Dr. Jim Beveridge私人調配嘅作品，呢位大師一直係Johnnie Walker，以至整個威士忌業界嘅靈魂人物，由佢親自操刀嘅Private Collection系列，唔駛講都知係頂級中嘅頂級。

今年嘅Private Collection用咗5間酒廠嘅單一穀物威士忌，當中包括Caledonian, Cambus、Carsebridge等等。Jim Beveridge 精心挑選具雲尼拿、木香、細緻甜美嘅蜂蜜香酒液，甚至拎出自己多年珍藏、於美國橡木桶陳化嘅高地麥芽威士忌，再調和於萬中選一嘅珍稀木桶陳年，圓潤多種風味。

純淨亮麗嘅黃金酒色，散發出成熟穀物威士忌嘅柔雅、精致、蜂蜜、絲絲嘅荳蔻酒香，再慢慢轉化為成熟水果香甜，芒果、少許椰子同細緻花香。

口感非常綿柔順滑，首先係穀物威士忌帶嚟芬芳馥郁嘅蜂蜜香甜，緊接同美國橡木桶嘅拖肥糖、雲尼拿風味相輔相成。多層次而複雜嘅口感、甜美，再嚟係來自高地單一麥芽威士忌自帶嘅香梨、蘋果嘅細緻柔同香甜。

最後，悠長飽滿嘅酯類(estery notes)芬芳作結尾，Awesome。