話說寶璣家族同航空界都幾有淵源，發明螺旋槳飛機嗰位Louis Charles Bréguet，就係寶璣創立人Abraham Louis Bréguet 嘅玄孫 (發明飛機嗰兩位叫萊特兄弟，因為佢地發明咗Rudder，令飛行器可以轉向)。Louis Charles 響1916年研製咗Breguet XIV飛機，短短10年間賣咗共8,000幾部俾15個國家，對航空業發展有好大貢獻。後來法國軍方委託寶璣家族製作Type XX，而呢款錶亦服務法國空軍、海軍空戰隊到20世紀80年代初。

今年呢款Type XXI 3817就係承傳咗一段咁偉大嘅歷史，其復古嘅外貌就係為咗懷緬當年嘅威水史。42mm精框錶殼絕對係舒服嘅Size，錶框刻有精細嘅刻紋增加質感，雙向旋轉錶圈、而螺絲鎖定嘅錶冠亦都確保咗防水深度達100米。

灰藍色嘅錶盤見到寶璣簽名啦，夜光阿拉伯數字小時刻度，3點位盡夜顯示，6點位有小時累計同日期顯示，9點位小秒盤，整個佈局並唔算太複雜。Type XXI 3817仲要係同系列之中，第一隻有藍寶石水晶底蓋嘅款式，透過底蓋可以清楚見到黃金擺陀。

584 Q/2自動上鏈機芯，有飛返功能，倒置直線瑞士槓桿擒縱機關，配矽質(Silicon)棘爪同矽質寶璣擺輪游絲，提供到48小時動力儲存，每個機芯都有自己嘅獨立編號同寶璣簽名。

Type XXI 3817毫無疑問係配啡色小牛皮錶帶啦，售價約11萬港紙，絕對係一隻靚軍。