台灣朋友得獎，我地應該開心嘅，但一諗到嗰瘋狂炒價，又開始嘆氣，你知今時今日，就算去到台灣都未必買到架啦。

香港有間酒吧有齊Kavalan 全系列作品，共11支，有出 tasting package，價錢唔算好貴，想知嘅話留個言，我出篇介紹俾爸打們。講返Kavalan，藍色、綠色、紅色、白色 sherry 大家都好熟啦，咁今次攞獎呢支 Amontillado 又係咩料子呢 ?

Kavalan Solist Amontillado Sherry Single Cask Strength，55.6% 酒精度，酒色比起 Fino 更加深色，睇到出 sherry cask 嘅迷人風情同濃厚感覺。聞香係層次豐富而飽滿嘅果香味，烘焙杏仁、榛果、拖肥糖、橡木嘅氣息瞬間四溢，變化有序嘅深度令人無法自拔。入口嘅時候，雪莉桶嘅獨特柔和非常顯著，焦糖香甜、胡椒、堅果形成長久且溫暖嘅餘韻。

雖然酒廠建議零售價係 8,000 台幣，本身已經唔平，拎完世界第一之後就更加…… 大家懂的。